تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 506|جاۋاپ: 2

شيپاگەردىڭ اكەسى

[جالعانىمدى كوشىرۋ]

3

تاقىرىپ

3

دوس

696

ءنومىر

تەتە مۇشە

Rank: 4

جولدانعان ۋاقىتى 2016-1-1 21:08:04 |بارلىق قاباتتى كورسەتۋ
شيپاگەردىڭ اكەسى
كەش قارايعاندا اكەم ەسىن جيىپ، اپەكە-قارىنداستارىما قايتىپ دەم الۋدى تاپسىرىپ،«ەرتەڭ كەلىپ قاراڭدار» دەدى. ولاردىڭ كەتكىسى كەلمەگەن ەدى،«ناۋقاسقا قارايتىن ۋاقىت ۇزاق بولادى،بارلىعىمىز شارشاپ قايتەمىز،ەرتەڭ كەلىڭدەر» دەپ اقىل قوستىم. شارشاعاننان باسقا، ولاردىڭ وسىندا بولعانىمەن دە پايداسى جوق عوي. كوپشىلىكتە ايتقانىڭ ءجون ەكەن دەپ ءارقايسىسى قاي كۇنى كەلىپ قارايتىنىن بەلگىلەسىپ الدى.
اكەم ءۇشىن ەرتەڭگى كەشتىڭ جوق ەكەنىن تەك مەن عانا بىلەتىنمىن.
سول كۇنى كەشتە اۋرۋ ۇيىندە ەكەۋىمىزدەن باسقا پەندە جوق بولاتىن. ول ۇيىقتاعانداي بولدى،جوعا،ءولىم الدىنداعى ەسەڭگىرەۋ بولاتىن، اندا-ساندا ەسىن جيادى، تۇسىنىكسىز ءبىر-جار اۋىز سويلەيدى. مەن جاقىنداپ: «اكە، نە دەپ جاتىرسىڭ؟» دەپ سۇرادىم. ول مەنىڭ سويلەگەنىمدى ەستىمەگەندەي، باسىن ءبىر جاعىنا قيسايتىپ، تاعى دا ەسىنەن تانىپ كەتتى.
ونىڭ ەشتەمە دەمەگەنىن بىلەمىن، ساندىراقتاپ قانا جاتىر، اكەمنىڭ اقىل-ەسى كىرەسىلى-شىعاسىلى.
جىلاعىم كەلدى،داۋىسىمدى شىعارۋعا باتىلىم بارمادى. اكەم ەستىپ قويا ما دەپ قورىقتىم، قالاي بولسا دا ونىڭ ازداپ تۇيسىگى بار عوي. ءومىرىنىڭ سوڭعى مەزگىلىندە قامىعۋىن قالامادىم. ونىڭ وتە باياۋ،بىرتىندەپ و دۇنيەگە ساپار شەگىپ بارا جاتقانىن ءبىلىپ وتىرمىن. مۇنداي جاعدايدى بۇرىن دا ساناپ تاۋىسقىسىز ناۋقاستاردان كورگەن بولاتىنىمىن. ال مەندە امال جوق. ونى قۇتقارۋعا بولاتىن بولسا،ءوزىم ولۋگە پەيىل ەدىم. الايدا مەن ولگەنمەن دە ول تىرىلمەيتىن بولىپ وتىر.

ومىرىمدە سول جولى شيپاگەر بولعانىما ءوزىمدى جەك كوردىم. قانداي بەيشارا ەدىم، ءوز اكەمدى دە قۇتقارا المادىم. وسىنداي دارمەنسىز بولعاندا، نەسىنە شيپاگەر بولعامىن؟ تۇك بىلمەي-اق،ءوزىڭدى دە، وزگەنى دە الداپ جۇرە بەرگەندە جاقسى ەكەن عوي. اتى بار، زاتى جوق شيپاگەر ەكەنىمدى بىلەمىن، ەگەردە جاستىق كوكتەمدى قايتا اكەلەر شيپاگەر بولسام قانداي جاقسى ەدى. ونداي شيپاگەردىڭ جوق ەكەنىن دە بىلەمىن، شيپاگەر دەگەن شيپاگەر عانا، ول اۋليە ەمەس.
ەگىلمەۋگە بار كۇشىمدى سالدىم.
ەكىنشى كۇنى ساعات 7 دەن اسقاندا شەشەم مەن اپەكە-قارىنداستارىم تۇگەل كەلدى. اكەمنىڭ ءالى دە ازداپ ەسى بار ەدى، ول شەشەمنىڭ ءتۇنى بويى دايىنداعان جاسىل بۇرشاق سورپاسىنان ءبىر ۇرتتادى دا اتتاندى.

اۋدارعان _ سەرىكبەك ۇسەنباي ۇلى  
( تارباعاتاي گازەتىندە جاريالاندى  2015/12/7 )


قازاق ءتىلى دۇنيەدەگى ەڭ تاماشا ءتىل

9

تاقىرىپ

11

دوس

751

ءنومىر

تەتە مۇشە

Rank: 4

جولدانعان ۋاقىتى 2016-1-7 16:40:13 |بارلىق قاباتتى كورسەتۋ
وسىنداي قىسقا، ىلەزدىك اڭگىمەلەر كوپ اۋدارىلسا جاقسى.

3

تاقىرىپ

3

دوس

696

ءنومىر

تەتە مۇشە

Rank: 4

جولدانعان ۋاقىتى 2017-1-24 20:22:38 |بارلىق قاباتتى كورسەتۋ
كوپ راقىمەت ..

قازاق ءتىلى دۇنيەدەگى ەڭ تاماشا ءتىل
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق