تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 556|جاۋاپ: 0

اشىنشتى شىندىق

[جالعانىمدى كوشىرۋ]

5

تاقىرىپ

2

دوس

1558

ءنومىر

اعا بۋىن مۇشە

Rank: 6Rank: 6

جولدانعان ۋاقىتى 2016-2-25 13:03:19 |بارلىق قاباتتى كورسەتۋ
اشىنشتى شىندىق
دىرامالىق فەلياتون
اۉتورى قۇتتىباي مارالبەك
وقيعا؛  اۋىل قىستاقتاعى ءتورت كوشەدە، قاراپايىم ءۇش اۋىل ادامى ورتاسىنداعى اڭگەدەن تۇىندايدى.
قاتىناسۋشىلار:
قاۋعالاق؛  جونسال كينگەن وتىزدارداعى ءوڭى ەسكى، بەينەسىنەن قۇتقىنى قاشقان تۇرمىس تىرشىلككە قىرى جوق، كۇندە تاپقانىن كۇندە اۋجال ەتىپ جۇرگەن، جاتىپ ىشەر جالقاۋدىڭ ءوزى ەكەندىگىن ءبىر كورگەن ادام بىلە قوياتىنداي، ارىق جەلكەسى پىشاقتىڭ قىرىنداي بولىپ، ەرى موينىنا كەتىپ توقتامايتىن جابى تورىنىڭ بەينەسىن ەلەستەتەتىن، ەكى بەتىنە پىشاق جانىعانداي، كۇنگە توتىققان ۇسقىنسىز ەر ادام.
قارا شال: الپىستاردىڭ ءىشىن ارالاپ قالعان، قۇلاعى جاقسى ەستىمەيتىن مىجىرايىپ، ءجۇزىن اجىم تورلاعان، بەينەسىنەن تۇرمىستىڭ تاۋقىمەتىن كوپ تارتقاندعى مەن مۇندالاپ تۇرعانداي قاتقان قارا كىسى.
بايەكە؛  قىرىقتارعا كەلگەن كيمى ءتۇزۋ، سالاۋاتتى، قوعامدىق جاعدايدان تولىق قابارى بار، كىسىلىكتى، باسقالاردىڭ قۇرمەتىنە بولەنىپ جۇرگەن، بەتىنەن جىلتىراپ مايى شىعىپ تۇراتىن، سەمىزشە كەلگەن قارا تورى كىسى.
ساقاناعا قاۋعالاق شىعادى جان- جاعىنا كۇن سالالىپ، بۇگىن كوشەدە ەشكىم كورىنبەيدى عوي؟ دەپ الاق-جۇلاق قاراپ تۇرعاندا قولتىعىنا بۇكتەپ قىسا سالعان سولياۋ قالتاسى بار قارا شال ساقانانىڭ قارسى جاعىنان شىعادى.
قاۋعالاق:
-اسسالاۋ ماھالايكۉم....! (دەپ سوزا سالەم بەرەدى. قارسى جاق سالەم قابىلدايدى).
قارا شال:
-بۇل نە تۇرىس؟ شىراق!
قاۋعالاق:
جاي انشەيىن، قايدا باراسىز؟
قارا شال:
(قارتا وينايسىزبا؟ دەپ جاڭساق ەستىپ قالادى).
- قارتا ويناعىشىن...! ” قۇرساعى توقتىق، جۇمىسى جوقتىق، ازدىرار ادام بالاسىن“ دەپ بەكەرگە ايتپاعان ەكەن عوي؟! ءوزىڭ وينا قارتاڭ شىرگىر....
قاۋعالاق: ( ساسىپ قالادى،  شالدىڭ قۇلاعىنا اۋزىن تاقاپ قاتتىراق سويلەيدى)
- قارتا دەمەدىم قايدا باراسىز؟ دەپ تۇرمىن. ە... بايقۇس قۇلاعى بۇرىنعىدان دا اۋىرلاپ كەتكەن ەكەن عوي.
قارا شال:
ە......! بىلاي دە جەم الايىن دەپ شىققام.
(قاۋعالاق بۇل جولى بۇرىنعىدان قاتتىراق سويلەيدى)
- وي ، اقساقال ! قىستاقتىڭ بۇرىش- بۇرىشىن كەۋلەپ، ءورلى- تومەن گۇلەپ، ۇيتقي سوققان قۇيىنداي ەسىپ جۇرگەن ينفورماتسيادان قابارىڭىز بار ما؟
قارا شال:
-يا جوق ...ا  ! نەنى مەڭزەپ تۇرعانىڭدى تۇسىنە الماي تۇرعانىم؟!
قاۋعالاق: ( شالعا جاقىنداپ قۇلاعىنا داۋسىن كوتەرە سويلەيدى)
-وي ...تايىر- اي! بۇنداي جاقسى قاباردى ەستىمەي قالۋىڭىز عاجاپ ەكەن ءا...؟! وكىمەت 2017 – جىلعا بارعاندا اۋدانىمىزدىڭ كەدەيلىك قالپاعىن لاقتىرىپ تاستاپ،  حالىقتى بايتامىز دەپ جوسپار جاساپ جاتىپتى دەيدى عوي.
قارا شال: ( ەلەڭدەگەن بەينەمەن قاۋعالاققا قارايدى)
-ءيا، سوندا قالاي؟
قاۋعالاق: ( قارا شالدان الىستاۋ بارىپ، كوپكە قاراپ، مارسيعان بەينەدە).
-وي شىركىن اي! قۇلاعى ەستىگەن دە ءبىر باقىت دەشى، مىنا كەرەڭ شال جاقسى قاباردان دا بەي قابار قالىپتى.دەپ ( كوپكە قاراپ ىجاقتايدى دا، داۋسىن كوتەرە قارا شالعا جاقىنداپ سويلەيدى).
ءبىر قاباردا وكىمەت سەميا باسسايىن وننان سيرى تاراتادى ەكەن دەسە، تاعى ءبىرەۋلەر ءجۇز مەڭ سومنان پۇل تاراتادى ەكەن دەپ گۇلەپ جۇر عوي وسى جۇرىت.
(وسى كەزدە سالاۋاتتى بەينەدەگى بايەكەڭ بايىپەن باسىپ ساقاناعا شىعادى).
قاۋعالاق: كورە سالا شالدان بۇرىن
- اسسالاۋ ماعالايكۉم!  بايەكە. ( دەپ داۋسىن كوتەرە قوس قولىن الا جۇگىرەدى. بايەكەڭ ونىڭ سالەمىن جونسال الىپ شالعا سالەم بەرەدى. شالدا سالەم قابىلدايدى).
قارا شال:
-جول بولسىن بالا قايدان؟
بايەكەڭ؛
ءيا اقساقال كۇيىڭىز تاۋىر مە؟ مىنا قىستىڭ اياعى قىسىپ بارادى. ”بازارعا بارىپ باعىڭدى سىنا“ دەگەندەي بازارعا ءبىر سيىر ساتتىم. قىس اياعى قيىنداپ كەتسە  توپتى مالعا جەم، ءشوپ جەتىسپەي قالاما دەدىك. مىنا قاۋعالاق جاقىندا قاڭعىپ كەلگەن ساۋداگەرگە مەنىڭ سيىرىمنان سۇيەكتى،  سەمىز سيىرىن ءۇش جارىم مىڭعا بەرە سالمادى ما؟! مەنىكى كىشىرەك ەدى بەس مىڭعا ساتىلدى. ءوز مالىن دا دۇرىستاپ پۇلعا جاراتا الميدى، ەلدىڭ اقىلىن دا كەرەك ەتپەيدى. ءاي...ي! امال جوق .( دەپ مۇڭايعان بەينەمەن كۇرسىنەدى).
قارا شال: (اڭتارىلعان بەينەدە)
-ءيا بالا مىنا قاۋعالاق ۇكىمەت كەدەيلىكتەن قۇتىلدىرادى ەكەن، سەميا باسسايىن وننان سيىر ءجۇز مىڭنان پۇل بەرەدى ەكەن دەي مە؟ جاقسى قاباردى جاۋدىرىپ ەس اقىلىمدى شىعارىپ تۇر سەن ءبىر جايلاپ تۇسىندىرشى؟!
بايەكەڭ: ( قارا شالعا جاقىنداي تۇسىپ قاتتىراق سويلەيدى)
-بۇل ءبىر قوي ۇستىنە بوز تورعاي جۇمىرتقالاعان تاماشا زامان بولدى عوي، ۇكىمەت سۇيەمەلدەپ جاتىر ءالى سۇيەمەلدەيدى ونى كەزىندە كورە جاتارمىز، مىنا قاۋعالاق سياقتىلارعا قانشا بەرسەدە،  قۇمعا قۇيعان سۋ ەمەس پە؟ وسى كۇزدە عانا تاراتقان ون قويدى باعاتىن جەم، ءشوبى جوق، جازداي جامان موتاعا قيسايا ءمىنىپ الىپ قايدا قارتا؟ قايدا ويىن كۇلكى؟  قۇمار دەپ دالاقتاپ جيعان ءشوپ- شالاڭى بولماي ساتىپ جىبەرمەدى مە؟  ساتسىن اۋ، دۇرىستاپ پۇلعا-دا جاراتپادى عوي شىركىن. بۇل ءۇشىن مەن ۇيالعاندا جەرگە كىرىپ كەتە جازدادىم. ادام نەدەن كەدەي بولادى؟  دەگەندە اقىلدان كەدەي بولادى دەگەن ىراس ەكەن عوي .( دەپ كەيگەن، رەنشتى بەينەدە  قارا شالعا قارايدى).
قاۋعالاق:
(تومەن قاراپ قولىن  شۇقىپ تۇرىپ، ءوزىنە ايتىلعان شىندىق جانىن جەگىدەي جەگەن جەگى قۇرتتاي ىشكى الەمىن استان- كەستەن كۇيگە كەلتىرىپ، تۇتىگىپ مىڭگىرلەپ سويلەيدى).
-شوپ شابا قويارلىق شوپتىك مايداندى مايپاپ تاستاعان تۇرساق.
قارا شال:
-راس ايتتىڭ، بالا وكىمەت اقشامەن سۇيەمەلدەگەنىمەن قۇردىمعا كەتىپ جاتسا ەلدىڭ ساناسىن داۋالاماسا ءبارى بەكەر ەكەن عوي..............؟!

كوڭلدى كۇندەر بولعاي.
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق