تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 695|جاۋاپ: 6

ءيىس

[جالعانىمدى كوشىرۋ]

28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-5-15 23:41:19 |بارلىق قاباتتى كورسەتۋ
ءيىس
نۇربەك تالەن ۇلى



     جاي كوزگە اڭعا شىقپاي كۇنى-ءتۇنى سارۋ بولىپ جاتىپ العانداي، جالقاۋبايلىققا باسقانداي مىجىرايىڭقى كەيىپتە كورىنگەنىمەن ىزاقور ءداۋمىت ءمانى تەرەڭدەگى وزەكتى ءتۇيىندى _ ومىرلىك ءىستى، اۋ باستا-اق، تىندىرىپ تاستاعان.
قايراتى تاسىپ، ايعىرلىق ۇستاماسى اسقىنا كەلە  كارى <<اڭگىنى>> شايناپ  تاستاپ، ارىستان ءۇيىرىنىڭ امىرلىگىن قولىنا العاندا، قۇلىندى بيەدەي ءداۋ  قانشىرلاردى(ابدانىن ەرتكەن) جانە ولەكشىنى مەن <<بويداق بايتالى>> بولىپ وتىز-قىرىق قارالى ءبىر ارسىتان ءۇيىرىن ۋىسىنا تۇسىرگەن.
ءامىرشىنىڭ، اسىرەسە، جاڭا قوجايىننىڭ ءبىرىنشى ءىسى _ شەگارانى  بەلگىلەۋ. شەگارانى ايقىنداۋ ءۇشىن پاتىشانىڭ ءبارى-اق امىرىنە العان جەردىڭ ەڭ قيىر شەتىنەن باستاپ اينالدىرا سارىپ شىعۋى ءتيىس. مۇنىڭ دا زاڭى وسى بولىپتى. قالقيعان قۋراي، سويديعان اعاش، قۋ ءتۇبىر، بۇتا-بۇرگەن دەمەي ءزارىن شاشىپ بەلگى قالدىرعان.
     جاس پاتىشانىڭ ءزارى قانداي ۋىتتى!؟ شاپتىرسا-اق قولقانى قابارداي كۇشتى قوڭىرسىق ءيىس توڭىرەكتى مۇڭكىتەتىن.  قۇددى ۋ شاشقانداي سىدىگىنە ساي كوك ءتۇتىن بۇرقىراپ سالاتىن.  
   ارىستان جاپىرىپ كەتكەن شالعىندىقتىڭ وزىنەن ءيىس الىپ، ۇركىپ، دىڭكەسى قۇريتىن ءداۋ قارا جابايى سيىر جونىنەن  <<ايعىر>> سىدىگىنىڭ امىرشىدەي الەۋەتتى ءيسى نەگە تۇرماق،  شەگارا ساقشىسىنان قاي جەرى كەم دەڭىز!؟
     كارى پاتىشادان قالعان ءالسىز يستەن ايىلىن جيماي، باسا كوكتەي بەرەتىن ءشوپ حورەكتىلەردىڭ اياعى جاس ءامىرشىنىڭ ءزار شاشۋىنان سوڭ-اق، بىردەن ساپ تيىلعان.
      <<قۇلان قۇدىققا جىعىلسا، قۇلاعىندا قۇرباقا وينايدى>> جەكپە-جەكتەن مەرت بولىپ، ارسا-ارساسى شىعىپ، اپسيىپ جاتقان، جاڭا عانا كوز جۇمعان كارى پاتىشانىڭ دەنەسىن <<ات ءولىمى يتكە توي بولىپ>> قورقاۋلار قىزىقتاعان. ءولى دەنەگە باسىن، موينىن ۇيكەلەپ ءولىپ بارادى، تۇگە!  بۇل  كەشەگى اڭ پاتىشاسىنىڭ تەرىسىن تۋلاق قىلىپ توسەنۋ ەمەس، قايتا، ءولى ارىستاننىڭ ءيسىن ءوز دەنەسىنە سىڭدىرمەك بولعانى-تىن. ءجون-اق، دەنەسىنەن ارىستان ءيسى شىعىپ تۇرعان قورقاۋعا كىم باتا قويماق-تى، ەندىگىدە!
   يتشىلەپ بولسا دا، ءيت ەكەش ءيت تە ءار ءشيدىڭ تۇبىنە ءبىر  سارىپ ءجۇر! قۇلدىڭ ءيسى كىمگە ءدارى؟  ءيت مۇنى بىلسە-عوي!

12

تاقىرىپ

1

دوس

913

ءنومىر

تەتە مۇشە

Rank: 4

جولدانعان ۋاقىتى 2015-5-22 18:24:36 |بارلىق قاباتتى كورسەتۋ
     جاقسى جازىلعان شىعارما! ارىستان ءۇيىرىنىڭ جاس پاتشاسىنىڭ شەكارا بەلگىلەۋ سالتى مەن ءار ءشيدىڭ تۇبىنە ءبىر سارىپ جۇرگەن ءيتتىڭ ءىسى ءوزارا شەندەستىرىلىپ «بيلىك» دەيتىن قارۋعا قۇمارلىق، ءالىن بىلمەي ۇمتىلاتىن ءىندىن جەرىنە جەتە شىقپىرتىلىپتى. اراداعى اناۋ قورقاۋلاردى قاراڭىزشى، «ءولى دەنەگە باسىن، موينىن ۇيكەلەپ ءولىپ بارادى» ، ولارعادا  بيلىك، ايبار، اتاق، قۇلقىنىن باعارلىق قۇدىرەت -- كۇشتىلەردىڭ ءيىسى كەرەك بولىپ تۇرماي ما؟! ارىستاندىكى كۇش، قۇدىرەت دەسەك، قورقاۋ مەن ءيتتىڭ قىلىعى ەلىكتەۋ ، جانباعارلىق بولماي ما؟! ءبىراق ءيت بايقۇس اۆتور ايتپاقشى بىرەۋدىڭ قوراسىن كۇزەتكەن قۇل عوي، ول -- ارىستان بولا الماق ەمەس. تاماشا شەندەستىرۋ، كىسىنى تانتى ەتەر وي!! ال، ءتىل قولدانىستا ازداپ كىناراتتار بار سەكىلدى. قاراڭىز، « قۇلىندى بيەدەي ابدانىن ەرتكەن  قانشىرلاردى جانە ولەكشىنى مەن <<بويداق بايتالى>> بولىپ وتىز-قىرىق قارالى ءبىر ارسىتان ءۇيىرىن ۋىسىنا تۇسىرگەن.» وسىنداعى «قۇلىندى بيەدەي» دەپ اباداندى ايتىپ وتىر ما؟ الدە، قانشىرلاردى ايتىپ وتىر ما؟ مەنشە، قانشىرلار بولۋى كەرەك. ال، مىنا سويلەمدە اباداننىڭ تەڭەۋى بولىپ قالعان. ودان سوڭ، شىعارمانىڭ ءبىرىنشى ءسوزى «قاراماققا»دا نۇربەكتىڭ قالامىنا جاراسىپ تۇرعانى جوق. «جاي كوزگە» دەپ وزگەرتىپ قويعىم كەلىپ تۇرعانى، ءبىراق شىعارما مەنىكى ەمەس. باۋىرىمنىڭ ويلانىپ كورۋىن وتىنەمىن.

28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-5-22 20:12:33 |بارلىق قاباتتى كورسەتۋ
tohayev جاعىنان جولدانعان 2015-5-22 18:24
جاقسى جازىلعان شىعارما! ارىستان ءۇيىرىنىڭ جاس پاتشا ...


كوپ راقىمەت، تەڭەۋدەگى ۇعىمسىزدىققا تۇزەتۋ جاسادىم!  باسقى ءبىر ءسوز تاعى بار

28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-5-22 20:37:39 |بارلىق قاباتتى كورسەتۋ
وزدەرىڭىزدەي اعالاردىڭ ايتقان پىكىرى اۋاداي قاجەت، اسا قىمبات!

28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-5-26 20:59:35 |بارلىق قاباتتى كورسەتۋ
نەگە باسقى بەتتەن كورىنبەي قالادى؟ تەحنيكالىق اقاۋ بار سياقتى

9

تاقىرىپ

11

دوس

753

ءنومىر

تەتە مۇشە

Rank: 4

جولدانعان ۋاقىتى 2015-6-6 10:52:30 |بارلىق قاباتتى كورسەتۋ
كەرەمەت.

5

تاقىرىپ

2

دوس

1558

ءنومىر

اعا بۋىن مۇشە

Rank: 6Rank: 6

جولدانعان ۋاقىتى 2015-6-24 13:39:32 |بارلىق قاباتتى كورسەتۋ
قانداي كەرەمەت ؟!

كوڭلدى كۇندەر بولعاي.
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق