تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 567|جاۋاپ: 1

دەڭگەي

[جالعانىمدى كوشىرۋ]

28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-5-16 14:43:40 |بارلىق قاباتتى كورسەتۋ
دەڭگەي
نۇربەك تالەن ۇلى


اسپانداعى قۇستى ۇياتقا قالدىراتىن _ جەردەگى جەم.(ماقال)
ەگەر شالقۇيرىق <<بەتەگەدەن بيىك، جۋساننان الاسا>> بولىپ، جەر باۋىرلاپ كىشىرەيمەگەندە، ەگەۋىن الام دەگەن ەرتوستىك مىستان كەمپىردىڭ تۇزاعىنان سىتىلىپ شىعا الماس ەدى.
سايگۇلىكتىك دەڭگەي قۇلدىراعاننان قۇلدىراپ، مىستان كەمپىرلىك دەڭگەيگە دەيىن تومەندەمەيىنشە بۇل قاقپاننان قۇتىلۋ بولماق ەمەس-تى.
ەرگەجەيلىنىڭ دە ءوز دەڭگەيى بار. ماستەكتىڭ دە وزىندىك مەرەيى بولعان.  وعان تەڭەسۋدىڭ جولى _ قۇلدىراۋ. قۇلاگەرلىك ءۇشىن، بۇل _  كۇيىك. كەيدە مۇقتاجدىققا بولا ماستەكتىڭ دەگەيىنە، جاعىدايعا بولا جابىنىڭ ورەسىنە <<كوتەرىلۋگە>> تۋرا كەلەدى.
ءمۇتتاھام-نايساپتىڭ  ورەسىنە جەتۋ ءۇشىن دە مول ميحىنات، كوپ جاپانى شەگەسىڭ، كورەسىڭدى كورەسىڭ. وتتاي وراقشى، جاۋداي قاراقشى بولاسىڭ. وسى ونەرگە جاتىلاسىڭ.
ەركەكتىڭ كوڭىلىن كوتەرۋدى كاسىپ ەتكەن الگى سالداقى قار سوكراتقا نە دەۋشى  ەدى:<< قالاسام، سەنىڭ بار دوسىڭ، بار شاكىرتىڭ مەنىكى بولار ەدى. ال مەنىڭ دوستارىمدى تارتىپ الۋ سەنىڭ قولىڭنان كەلمەيدى>>. سوندا فيلوسوف:
_ ارينە، ساعان وڭايىراق، ويتكەنى، سەن تومەنگە شاقىراسىڭ، ال مەن جوعارىعا، _ دەپ جاۋاپ بەرمەپ پە ەدى!
   شابان-شارداقتاردىڭ دا شاباتىن شاعى، شاڭىنا ىلەستىرمەي كەتەتىن كەزى بولادى. سالقىن قاندىلىقتى سەرىك ەتىپ ءجۇرىپ،  جەلپىنىپ العان قىزۋ قاندى وتىرىستىڭ ۇستىنەن تۇسە قالدىڭ دەلىك. لەزدە-اق، ءوزىڭدى مەشەۋ سەزىنىپ ۇلگىرەسىڭ. بۇلاي دا ويلاماس ەدىڭ، مەنمەنشىل قىزۋ قاندى، داراقى وتىرىستىڭ ءوزى-عوي _ سەن سياقتى <<مەشەلدى>>  دالادا قالدىرعان.
موجانتوپايلىقتىڭ <<مارەسىنە جەتۋ>> _ قۇدىققا قۇلاعاندىق. قۇدىققا قۇلاۋدىڭ سوڭى _قورلىق، ىزا، كۇيىك، دەرت؛ قۇلاعىڭا قۇر باقانىڭ ويناعانى.
سەن بيىكتە بولعاندا قىڭ دەمەگەن، ءۇن شىعارماعان توبىر _ قۇلدىراعانىڭدا،  ەندىگىدە، ولاردىڭ ءبارى ءدانىشپان بولا قالماق.   <<پىشەنى ورتەلمەگەننىڭ ءبارى اقىلدى>> بولماق.
    ءيا-اۋ، <<كەرۋەن كەرى بۇرىلسا، اقساق تۇيە الدىعا شىعادى>>.  

12

تاقىرىپ

1

دوس

913

ءنومىر

تەتە مۇشە

Rank: 4

جولدانعان ۋاقىتى 2015-5-22 09:54:09 |بارلىق قاباتتى كورسەتۋ
    «قۋىرداقتىڭ كوكەسىن تۇيە سويعاندا كورەسىڭ» دەگەندەي، قۇلدىراۋدىڭ كوكەسىن ىزگىلىك پەن مۇراتتان ايرىلعان سوڭ كورىپ وتىرمىز. سەن ىزدەگەن قايران ىزگىلىك پەن اسقاق  مۇرات قايدا قالدى ەكەن دەشى؟؟  جۋىق ارادا تابىلا قويار ما؟! ار الدىنداعى داتتەمەڭ ءولى ەتتەنگەن جۇرەكتەرگە شيپا بولا قويار ما كەن؟! تۇشىنىپ تىڭدار كىسى تابىلار ما ەكەن؟! ۇلى ءىلياس جانسۇگروۆ قازاق دالاسىنا «قۇلكەر» وبرازىن تۇرعىزىپ، قۇلاكەردى تەڭدەسسىز تالانتتىڭ موتيۆىنە اينالدىرىپ كەتكەن ەدى. وزىڭە ايتار ءبىر كەڭەس وزىڭمەن كىندىكتەس «بەيجىڭكەردى» دارىپتەۋدى ويلاسساڭ بولار ما؟ تاڭجارىق، ءاشىم، قۇلاكەر -- ءۇش ۇلى دا قاسيەتتى كۇنقاستىڭ ءتول تۋمالارى عوي. ويلانىپ كور.

ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق