تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 536|جاۋاپ: 0

سالىستىرۋ (جەلدىرمە)

[جالعانىمدى كوشىرۋ]

3

تاقىرىپ

0

دوس

172

ءنومىر

جاس تالاپ

Rank: 2

جولدانعان ۋاقىتى 2015-6-2 20:35:17 |بارلىق قاباتتى كورسەتۋ
                   سالىستىرۋ
                         (جەلدىرمە )
                         مۇحتار بۇلعىن ۇلى
    الپىستى القىمداعان ، الىپ قاشپاسى باسىلىپ سالقىنداعان . ماۋ زىدوڭنىڭ زامانىندا اۋىلدا حالىق ىستەرى بولىپ قىزمەت اتقارعان .ءبىراق سىلتاۋ تاۋىپ ، ەرتەرەك قۇرمەتتى دەمالىسقا شىعىپ اپ، بالالارىنىڭ مال –جانىنا باس بولعان. ەل اۋانى، ساياساتقا جۇيرىك، ءسوز سىڭايىنىڭ بارلىعى بۇيرىق. كۇندەلىكتى حابار اتاۋلىنى مولدانىڭ بەس ۋاق نامازىنداي قازا قىلمايتىن تاقۋا ، قوعامنىڭ دا ، قويناۋدىڭ دا سىرىن اشا سويلەيتىن پاكىتكە جارماسقان ءپاتۋا. ىلعي جاقسىلىققا ءۇيىر ، جاماندىقتى جاڭىلدىراتىن  شيىر . جيىلعان توپ ىشىندە ەستىگەنى مەن كورگەنىن كوسەمسىپ سويلەيتىن ، تەك ءوزى ايتقانىن عانا ءجون دەيتىن .ايتكەنمەن، تالاي ساياسي ناۋقانعا سوعىلسا دا،سارى جەلدىڭ وتىندە قالىپ كورمەگەن . شۇڭقىرعا سۇرىنبەگەن ، قارماققا ىلىنبەگەن . ءپاني مەن ءدننيدىڭ اراسىنان جول تاباتىن . قارسىلاسىن ۇتپاسا ، ۇتتىرماعان ، قۇپيا اتاۋلىنى بىلگەنشە، جانىڭدى سۋىرىپ الاتىنداي قۇتقىرلاعان . شالعى مۇرتىن قايىرعان سايىن ءبىر مىسقىل تۋىندايتىن ،ال ول مىسقىلى تەمىر تۇرپىمەن ىسقىلاساڭ دا ،ەڭ تەز كىرالعىش پاراشوكپەن جۋساڭدا جۋىلمايتىن . ەرەگەسسەڭ قىشقىلىڭا  نەگىز ، نەگىزىڭە قىشقىلدايتىن. ىعىنا باقپاساڭ ىعىرعىپ جەڭەتىن،قيتىعىنا تيسەڭ ، قيسىنسىز جەردەن تەبەتىن. ەستەتيكا تۋرالى سىرلاسساڭ،كورگەنىنەن تۇيگەنى ، كۇيگەنىنەن سۇيگەنى، بىلمەكشىسىنەن  بىلگەنى كوپ،نامىسىنان ارتىق كورەتىن مۇراتىن. اۋىلدا ، ءبىزدىڭ كورشى،  قولتوقپاقتاي قارا شال تۇراتىن.
بيىل جاز جايلاۋدا كوڭىل كەڭىگەن ، قوزى سەمىرگەن. وشانبايدىڭ وتباسىندا ، توپ حالىقتىڭ ورتاسىندا ، قاراشال قىمىزدىڭ قىزۋىن كورسەتكىسى كەلدى مە؟ جوق  ، كوپتەن بەرگى ىشىندەگى قىجىلىن شىعارعىسى كەلدى مە ؟   بىردەن بۇرىنعى اۋىل –قىستاق باستىقتارى مەن قازىرگى ورتالىقتىڭ جەمقورلىققا قارسى ساياساتى جۇرىلگەننەن كەيىنگى وزگەرگەن اۋىل- قىستاق باستىقتارىنىڭ اراسىنداعى  پارىقتى سالىستىرىپ، ساراپتاي باستادى.
مەن ەندى سول قاسيەتىڭنەن اينالايىن قارا شالدىڭ قازاقي قايماعى بۇزىلماعان سالىستىرۋىن سانالارىڭىزعا سارقيىن.  
-بايقايىم، مىنا اۋىلداعى باستىقتاردىڭ اياعىنا تۇساۋ ، اۋزىنا تاۋبە كەلە باستاپتى.بىلتىر عانا ولاردى كورسەڭ ، يەكتەرى كوكيىپ،بەتتەرى جەلىندەگەن سيىرداي ىركىلدەپ جەتىلىپ، تۇمسىقتارى دەلديىپ،ماي باسقان شاشتارى بۇيرالانىپ سەلتيىپ،كەزدەسە قالساڭ ناندەنىپ،وسى ەلدىڭ جالعىز تۇتقاسىنداي جان –جاعىنا ناراۋ عانا ءمان بەرىپ، اۋزى مەن قۇلاعى تەلەفوننان بوسامايتىن،ءىسى تۇسكەن بۇقاراعا ءتۇزۋ سالەم جاسامايتىن.كولىكتە بولسا، سەنى شاڭ قاپتىرىپ وتە شىعاتىن.جاعداي ايتىپ بارساڭ، ءبىر اۋىز سوزبەن كەسەتىپ جىعاتىن. كورەگەن كوزى قارتتاردا ەمەس، اۋقاتتى مارتتەرگە تۇسەتىن .كەڭسەسىنە بارساڭ ، قوناعىن جاقتىرماعان ايەلدەر سياقتى  ءۇي سىپىرماسادا ، ۇستەلىن سۇرتكىلەيتىن، نە تروپكانى قۇلاعىنان المايتىن قارسى جاقپەن بىتپەيتىن قىرت اڭگىمەگە ءتۇسىپ سارىلتاتىن ،سويتىپ ءوزىنىڭ مۇددەسىن عانا جارىلقايتىن. قازاقي كشپەيىلدىكتەن جۇرداي، باستىقتىق بۋىن بۇرقىراتىپ، «ۇلكەن كىسى كەلىپتى»،- دەپ ىعىسپايتىن.كەرەك دەسەڭ  ەبەلەك قۇرلى كورمەي ءوز شارۋاسىمەن بولىپ، سەنەن جىلىستايتىن. كەيدە كۇن ساسكە بولماي جاتىپ، قىزمەت ورىنىنان عايىپ بولاتىن ،ءبىر كۇندىك قىزمەتتى وزىنەن جوعارى باستىقتىڭ قاباعىنان تانىپ قوياتىن. سونان سوڭ،ءىسى ءتۇسىپ ىزدەگەندەر  تەلەفونمەن جوقتاپ قاقسايتىن ،ءبىراق، يداراعا كەلتىرۋگە ەشقانداي سەبەپ تاپپايتىن. سونداعى جالعىز پاناسى «تومەنگە ءتۇستىم... سىرتتامىن...» دەيتىن سىلتاۋى ، وسىنداي بولىپ كەتىپ ەدى باستىق بولۋداعى ۇستانىم .
قازىر قىزمەت كەڭسەسىنە بارا قالساڭ ، الدىمەن كۇزەتشى جاقسىلاپ تەكسەرەدى، قالتىرمايدى تەكسەرمەيتىن ەشتەڭەنى. تىنىشتىق كىمگە بولسادا كەرەك، سوندىقتان دا، ەلكەزەك جانە زەرەك. ودان ءارى كادىرلەردىڭ سالامىنا قارىق بولاسىڭ، كەيبىرەۋىنىڭ كىشپەيىلدىگى جوعارعى شەككە جەتكەندەي ، ايۋدان قورىققان بالاداي ساسقالاقتاپ،كەزدەسكەن سايىن سالام بەرە- بەرگەن  سوڭ، سالامنان دا ارىپ قالاسىڭ. قايسى كادىردەن سۇراساڭ ، كورسەتە قويادى انىق شاراسىن، بۇرىنعى كەزدەر كەلمەسكە كەتكەن سياقتى «جۇمىس ءبىتىرۋ ءۇشىن، تانىس تاباتىن...»  كەڭسەگە كىرىپ وتىرار –وتىرماستان قاۋدىرلاپ قايناق سۋ كەلەدى، قايناق سۋ سۋىعانشا ، قال –جايىڭ ۇعىنادى. ءوزى ءال ەتە الماعان ءىستىڭ ءبىتۋ جاعىنداعى كورسەتەدى قىبىلانى .
ال قىستاق باستىقتارىن ايتپايسىڭ با ؟! بۇرىن ات ۇستىنەن شىرەنەتىن، حالىق قۇرى تۇلىپقا ءموڭىرەپ،يگىلىكتەن قۇلان تازا، ەمىزدىكتى قۇرى ەمەتىن. باستىقتار اقشانى قايىرعان سايىن، حالىقپەن ساناسپايتىن.الاستاسا، ىلعي جوق –جىتىكتەردى الاستايتىن. ۇكىمەتتىڭ بەرگەن كومەك قاراجاتىنىڭ باسىن جونىپ قىلقيتىپ، دەنەسىن جونىپ ءسۇمپيتىپ، ىشىنە سابان نىعاپ تىڭقيتىپ حالىققا بەرە سالاتىن . مەن سياقتى كوز قاراقتى ارىزقويلاردى باسقالاردان پارىقتى ەتىپ ازتولا بىردەڭە بەرىپ الداپ كومە سالاتىن . كەيبىر  جەتىم –جەسىرلەردىڭ ارىزىن قوقىر – قوقسىققا توگە سالاتىن . جىلامسىراعانداردى وبال –ساۋابىنا قاراماي ماڭدايدان تەبە سالاتىن . وسىنداي سىلكىنىپ سويلەگەن باستىققا جۇزىن سىندىرعانشا دەپ كەڭ قولتىق قارا حالىق جانىن اۋىرتقاندى ءجون كورمەي، نەدە بولسا مەيلى دەپ كونە سالاتىن . ءىشىنارا ءبىزدىڭ قازاقي ارىزشىلار ارىزدانسا ،اۋىلعا دەيىن باراتىن، ودان ارى قاراي ءىسى ءال بولماسا ، قۇدايدىڭ ۇيعارۋىنا سابىرلىقپەن تاپسىرىپ قالاتىن. زاڭ بىتكەن باستىقتاردىڭ قويىن –قونىشىنان تابىلاتىن، بۇقاراعا ەشبىر ساڭلاۋ قالتىرمايتىن شاعىناتىن . جايقالىپ تۇرعان كۇزدىك بيدايدىڭ ورتاسىنان توعان الاتىن ، ەككەن ورمانىڭدى قيراتىپ توسىننان جول سالىپ جوبا قوياتىن.جەر سەنىكى بولعانمەن ، توبەڭنەن باستىق قاراپ تۇراتىن، ءوز ورايىنا پايداسىن ساناپ تۇراتىن . ديقان ەككەن كۇزدىك بۇيداي تۇپتەمەيتىن قايتا باستىقتاردىڭ جوعارىعا جولداعان جوسپارلارى تۇپتەيتىن .تەك جوعارىدان كەلگەن تەكسەرۋگە بار جاعدايدى كۇشتەيتىن.سىلدىر كوجە دوكلاتتىڭ قىزىقتارى قىز نازىمنىڭ ورمەگىندەي تۇرلەيتىن، ناعىز جاعدايدىڭ قايدا ەكەنىن بىلمەيتىن. اقشالىنىڭ عانا جولى وڭ بولعان، ۇقىق ۇستاعاننىڭ عانا ءسوزى ءجون بولعان. حالىقتى بەيقۇت ۇيگە تىزىمدەسە بەينە تەمىر شتات بەرەتىندەي كەرگيتىن، ءسويتىپ شىعاراتىن جوعارىنىڭ ءتۇزۋ ساياساتىنىڭ سيقىن.ءۇي سالۋ ورايىن ۇسىنسا، الدىمەن رۋلاس ، جەرلەسىنە، نە بولماسا ، سىبايلاس تورلەسىنە الدىمەن سيعا تارتاتىن. سويتىپ جەرلىك ۇكىمەتتىك جەكە مۇدەنىڭ جاساپ الاتىن كارتاسىن.تينامداي جۇمىس بىتىرەتىن بولسا ،اكەسىنىڭ اقشاسىن بەرگەندەي قينالاتىن، ال بىتىرگەنشە قولىندا تۇرعانداي شىرەنەتىن قۇيماق التىن...
قازىرشى: بايقۇستار بۇرىنعى تاكاپارلىقتان قۇلان تازا ايىعىپ الدى. اتىزدا ارام شوبىڭدى وتاسقالى ، كوكتەۋدە قىسراعىڭدى ماتاسقالى ، ءشوبىڭدى شابىسقالى، جەلىدەگى قازىعىڭدى قاعىسقالى ، قوراڭدى كۇرەسكەلى ، جۇمىسىڭدى بىتىرمەشى بوپ قۇراق ۇشادى شىرەتتەگى . كەيدە ءدىلمارسىپ اقىل سۇراي كەلەدى دە، اقىل ايتا قايتادى. قاعىلىپ بىتكەن بۇرىنعى ادىراڭداعان سايتانى . قاشان كورسەڭ جاناشىرلىق ىستەۋ اڭسارى ، بۇلدانبايدى ءمانسابىن . باستىقتان كەراناۋ مىنەز تاپپايسىڭ، بارلىعى جۋاس بولىپ كەتتى ىرىلداماسا قاپپايتىن. حالىقتىڭ جانىنا كەلگەندە ەزۋى جيىلمايتىن ءبىر جۇمىس ىستەپ قويىپ مىڭدى الدايتىن . اسىلىندا قامقورسىعاندى  كورمەيسىڭ،ولار ءۇشىن «اي جارىق بولىپ»  جاعدايلارى كوبەيدى ونبەيتىن. پەيىلدى بولماسادا ،حالىقتىڭ قاباعىنا قارايتىن ، حالىق جاعدايىن ازىرشە شىندىققا بالايتىن . جوعارىنىڭ پارمەنىن امالسىز زاڭدى دەپ قارايتىن . بەستە كەپىلدىڭ تۇرمىسىن ەرىكسىز  بەكەمدەيتىن. بورىشتارىن قالتىرماي ءجۇر بۇرىن بىردە  وتەلمەيتىن. حالىقپەن بالىق پەن سۋداي بولعان سياقتى باستىقتار وزگەرگەنگە مىنە وسى كۇزدە جىلداي بولعان زامان كەلدى . ءبىراق ،«كونە ادەت قوي» ۇيرەنىپ قالىپپىز  باستىقتاردى «جامان» دەۋدى . دەپ قاراشالىم شالعى مۇرتىن سيپادى ،  كوبەيە بەرسىن قارا شالدىڭ قىرتارى ...

ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق