تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 588|جاۋاپ: 4

قۇلاقپەن ولشەۋ

[جالعانىمدى كوشىرۋ]

28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-6-22 13:49:23 |بارلىق قاباتتى كورسەتۋ
قۇلاقپەن ولشەۋ
نۇربەك تالەن ۇلى

كوشە-كوشەدەگى قوقىر-قوقسىققا  <<اۋ سالىپ>> قوقتى-سوقتىمەن قوراسىن تولتىرار گوگولدىڭ پليۋشكينى سياقتى كەۋدە قۋىسىن ساسىق ويمەن سىرەستىرىپ الاتىن بىقسىقتار بولادى.
<<مەن، مەن ، مەن، ءوزىم ، ءوزىم، ءوزىم!>> دەپ قوقىس كەۋدەسىن ەلەۋرەي ۇرعىلاسا-اق، شاڭ-توزاڭى اۋزىنان بۇرق-بۇرق قۇيىلماق. ساناسىن دۇنيە-بوقتىق بيلەگەن كىسىنىڭ لەبىن-اي، دەمىن-اي، دەسەڭشى!؟ <<ءيت بوعىنان قىل شىقپاي تۇرماستىڭ>> كەرى. ول قاشان  اق جۇرەكتى ءراسۋالاماي تۇرعان؟!
وزىمە دە وبال جوق _ سەنگىشپىن، وناندا سوراقىسى _ ۇمىتشاقپىن! ءبىر كەزدە  كوڭىلىم قارايعان بولا تۇرا، تاعى دا قاسىنا جاقىنداپ بارامىن . . . ەكىنشى رەت سىباعامدى بەرگەندە بارىپ، الدەنەلەر ەسىمە تۇسكەن.  باستاپتاعى بايلامىمنىڭ تۋرا ەكەنىنە تاعى ءبىر مارتە كوز جەتكىزگەن بولام:<< انە، ايتپادىم با،  اراداعى الاارقاندى بىرجولاتا ءۇزىپ كەتكەن اۋەلدەگى بەكىمىم تۋرا ەدى عوي . . . >> دەپ وزىمە-ءوزىم كۇبىرلەيمىن، وزىممەن-ءوزىم سويلەسەمىن، ءوزىمدى -ءوزىم كۇستانالايمىن . . .    اينىماعان ءوزى، الدىڭعى رەت قالاي اراندالسام، بۇل جولى دا سولاي بولعان. <<ءبىر سىناعان جاماندى ەگىز ەكى سىناما>> بىلە تۇرا،   قايتەيىن!
  بوق دۇنيە شىڭىن باعىندىرۋعا ءىندىنى قۇرىپ، ىشىنەن ءشىري باستاعان  اۋىزعا باسقالاي قىزىقتى ءسوز تۇسپەك ەمەس.  مەيىرلەندىرەر، قۋانىشقا شومدىرار ادام رۋحىنىڭ كەرەمەتىن وي-تانازارىنا المايتىن، رۋحانيات جايىندا  جاق كىرىسىن اشپايتىن  كىسىنىڭ قاسىنان بەزىپ جوعالاسىڭ، سول.  
ۇرانى _ <<دۇنيە، دۇنيە، جانە دۇنيە!>>. بالزاكتىڭ گراندەتى اراعا  پالەنباي جىل سالىپ ءوزىمىزدىڭ  ارامىزدان دا باس كوتەرگەنى عوي! ونىڭ كوزىندە مەن تەك قوساق اراسىنداعى قوراشتىڭ قوراشىمىن . . . سوسىن قولىمدى ءبىراق سىلتەپ جۇرە بەرگەم. . . نەشىك.
  قۇدىرەتتىڭ كۇشىن ايت، گەرويىممەن ءۇشىنشى رەت ءديدارلاسىپ وتىرمىن.
عاجاپ، بۇل رەتكىسى باسقاشا، سىباعاسى بولەكشەلەۋ _ قۇلاق ەستىمەگەن جاقسى سوزدەرى توڭىمدى جىبىتەرمەندەي-اق! <<سەنىڭ شىعارماشىلىعىڭ جايىندا ءادىل  پىكىر ايتۋشى تۇبىندە مەن بولارمىن . . . كولەمدى ماقالا دا جازارمىن . . . >> دەپ  اعىنان اقتارىلىپ ءبىر كەتەدى . . . اراگىدىك <<مىنانى بەكەر جازعىرعان ەكەم>> دەپ وكىنگەندەي دە بولام، اۋەلى!
سوندا مەن مۇنان، ءداپ قازىر، ءوزىمدى ماقتاعانى ءۇشىن،  قۇلاققا جاعاتىن ءسوز ايتقانى ءۇشىن ۇيالا باستاعانىم با؟!
ول، ول ما، ەگەرويىم سونان بىلاي دا اۋىزعا سيعانىمەن قۇلاققا سيمايتىن تىم ۇلكەن ماقتاۋلارىن دا مەنەن اياماعان.   سوندا <<سەنىكى ءجون بولمادى، مەن بۇعان ىلايىق ەمەسپىن>> دەپ ايتۋعا دا دارمەنىم جەتپەي، جاقسى سوزگە بويىم بالقىپ وتىرا بەرىپپپىن عوي!
كىسىنىڭ نارقىن قۇلاقپەن ولشەيتىنىمىز جامان ەكەن!

قيماستىق سەزىمنىڭ اق ورامالى



      كۇنى كەشە <<ارقانمەنەن ارىعان ، شابىن ايىل قارىعان>> قوبىلاندىنىڭ بۋرىلىنداي بايلاۋدان قاجىعىش، بوستاندىقتى اڭساعىش، ەركىندىككە شولدەگىش جۇرەك، بايلاۋدان قۇتىلىپ، باسى ازاتتىققا جەتكەنى وسى ەدى، مىنە، كەشەگى ءوزى كوكسەگەننىڭ ءبارى، ەندىگى ءۇشىن، ءدام-تاتۋسىز، سۇرەڭسىز باستانعان. ارمانعا قولى جەتكەن ەكەن، ەندەشە اردانسۋى ءتيىس ەدى . . . ءبىراق،  ونىڭ ورنىن، سوعان كەراعار، تۇسىنىكسىز ءبىر سەزىم  بيلەپ العان. ءىشى الاي- تۇلەي، وزەگى ءورت. ەسەسىنە، ار جاعىندا ارقاۋىنان ايىرىلعانداي قۇلازىعان ءبىر جەتىمدىك، قىڭسىلاعان ءۇن جاتىر.  نەنى اڭساپ، نەنى ساعىنادى؟ _ بۇلىڭعىر.  ءتىپتى دەسەڭ، ارقانداۋلى سول كۇندى ساعىنباق پا، ايتەۋىر، بەلگىسىز ءبىر سارىن، سارى ۋايىم ساعىنىش بيلەپ العان . . .
       وي-پىكىر، تانىم-تۇسىنىك، سەزىم دەگەندەرىڭنىڭ ءوزى  سۇرەگى كەلگەندە قايتارىپ الاتىن كەمدى كۇنگى قارىز سياقتى-اۋ!   
   ءبىرى سۇيەۋ، ءبىرى تىرەۋ بولىپ كۇن كەشكەن  كەشەگى بىرىمەن-ءبىرى جالعاۋلى، ءبۇتىن ءومىردىڭ  شىنجىرى ۇزىلگەندە _ بالاپان باسىنا، تۇرىمتاي تۇسىنا كەتكەندە وسىنداي كۇيگە كىرىپتار بولعانى دا !؟
     انەۋگى كوپ قادىرسىز، قۇنسىز، ارزان كەپتىڭ الداعى كەزدە كىلەڭ ارزۋ سەزىمدەرگە  اينالماعى عوي، بۇل! ايتپەسە، قوشتاسقان ساتتەگى سىرلى جانارلار ىشىمە مۇنشاما تولعاۋ سالماس -تى!
ەگەر زاتتار دا سەزىمگە يە بولسا ەسكەكسىز  قايىق پەن جەلكەنسىز كەمەنىڭ دە، ءوز سەرىگىن ساعىنىپ قايعى- مۇڭعا باتۋى وڭ.
   قيماستىق سەزىمنىڭ اق ورامالى، كەزى كەلگەندە، مەيىرىمسىز ۋاقىتتىڭ قاتال قولىمەن دار ايىرىلماق.  قول ۇستاسقان دوستاردى ءوزارا قول بۇلعاتىپ، قارسى باعىتقا قيماي-قيماي اكەتۋشى _ ۋاقىت وكتەم.  دۇركىنىڭ شىداسا قيماس جاننىڭ جانارىنا قاراپ كور.
  ادامسىز ورتا _  سۇرەڭسىز، قورقىنىشتى. كوڭىلدىڭ جايلاۋىننان ءسان كەتكەندەي الەتتەگى مەن دە ولارعا _ اياگوز جانارلارعا قول بۇلعاپ  قالا بەردىم. <<ءبىر كەمەنىڭ ۇستىندە وتكەن ماعىنالى ءۇش جىل>> ارتتا قالعان. تولىق ورتانى قوي جىلى بىتىرگەن كۇللى شاكىرتتەرىم  مەكتەپ قاقپاسىنان توپ-توپ بولىپ ىركەس-تىركەس،ۇزدىك-سوزدىق شىعا باستاپتى. بۇل رەتتە ولار سالت ەمەس، جۇك-تاعىمەن _ كورپە-جاستىق، قورجىن-قولاڭىمەن جولعا شىققان . . .
  يىقتارىنا بۋىنشاق-تۇيىنشەك ەمەس، ءومىر جۇگىن ارقالاپ بارا جاتقانداي-اۋ!
  




28

تاقىرىپ

1

دوس

700

ءنومىر

تەتە مۇشە

Rank: 4

جولدانعان ۋاقىتى 2015-6-22 13:51:11 |بارلىق قاباتتى كورسەتۋ
..............

33

تاقىرىپ

2

دوس

1049

ءنومىر

تەتە رەداكتور

Rank: 8Rank: 8

جولدانعان ۋاقىتى 2015-7-2 12:27:01 |بارلىق قاباتتى كورسەتۋ
پەندەمىزعوي! ەستىگەنگە سەنە سالاتىن سارقىندى مىنەز ءوزىنىڭ قاسيەتىنەن ايىرىلۋ بىلاي تۇرسىن، ۋشىعىپ، كۇشەيىپ، كەڭ جايىلىپ، جالپى ادامعا ءسىڭىپ بارا جاتقان جوق پا؟... ادامدار ءوز كوزىمەن ەمەس، بىرەۋدىڭ سوزىمەن جۇرەتىن بولىپ بارا جاتقانىن قالاي عانا جاسىرارمىز. سەندەگى دارالىق سول مىنەزدى دەر كەزىندە سەزىنىپ، ءوزىڭنىڭ دومنا پەشىڭە سالىپ بالقىتۋ ارقىلى شىندىعىن شىڭقىرتىپ ايىرىپ شىعۋ. جالپى ادامدار دا شىركىن، وسى دارالىق ارقىلى سىڭگەن مىنەزبەن، مىننەن سارمايدان قىلشىق ايىرعانداي ازاماتتىق پايىم بايقالسا، قالاي بولار ەدى، شىركىن!.... ءبىراق، ول كەلمەسكە كەتكەن كەرۋەن قيال عانا؟!...

9

تاقىرىپ

11

دوس

751

ءنومىر

تەتە مۇشە

Rank: 4

جولدانعان ۋاقىتى 2015-7-29 16:28:02 |بارلىق قاباتتى كورسەتۋ
ءاي، نۇكە ءدال تۇسىرەسىڭ- اۋ، ادامنىڭ ايىزىن قاندىرىپ. جالعاستى......

12

تاقىرىپ

1

دوس

913

ءنومىر

تەتە مۇشە

Rank: 4

جولدانعان ۋاقىتى 2015-10-18 23:06:09 |بارلىق قاباتتى كورسەتۋ
«قۇلاقپەن ولشەۋ» وسى زاماننىڭ نەگىزگى اعىسى، باۋىرىم، ءتۇيىندى ءداپ باسىپ تاپقانسىڭ.  ءبىر ۇسىنىسىم -- 'بەيپىل اۋىز' بەن 'مەننىڭ' اراسىنا تاعى ءبىر كەيىپكەر قوسساڭ بولار ما؟  'پەيپىل اۋىز' ول كەيىپكەرىڭدى 'مەندى' ماقتاعانداي ماقتاسا، ال ماقتالۋشى مارسيىپ، لەپىرىپ كەتسە؛ وسى ارادا 'مەن' بۇلاردىڭ قىلىعىنا وزىنشە جيرەنە قاراسا. سودان سوڭعى ءبىر  كەزەكتە « قۇدىرەتتىڭ كۇشىن ايت، گەرويىممەن ءۇشىنشى رەت ءديدارلاسىپ وتىرمىن.
عاجاپ، بۇل رەتكىسى باسقاشا، سىباعاسى بولەكشەلەۋ _ قۇلاق ەستىمەگەن جاقسى سوزدەرى توڭىمدى ....» بولىپ جالعاسسا قالاي بولار ەدى؟ مەنىڭ ويىم -- ەلدى سىناپ وتىرعان 'مەننىڭ' دە قۇلاقپەن ولشەۋدەن قۇتىلا الماعانىن كورسەتۋگە پايدالى ما؟ ويلانىپ كور. قالام سەنى، كەڭەس مەنىكى...

ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق