تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 430|جاۋاپ: 0

بەيمالىم جاننىڭ قابىرى باسىندا

[جالعانىمدى كوشىرۋ]

5

تاقىرىپ

0

دوس

116

ءنومىر

جاس تالاپ

Rank: 2

جولدانعان ۋاقىتى 2015-6-28 02:43:35 |بارلىق قاباتتى كورسەتۋ
                              بەيمالىم جاننىڭ قابىرى باسىندا

         
                                                                          ەرسىنبەك تالعات
   
     

    -ادام دەگەن كۇردەلى دۇنيە عوي بۇل،-دەپ ويلايمىن كەي-كەيدە.الدە نەنى،الدەكىمدى اڭسايسىڭ،ىزدەگەندەي بولاسىڭ.تابا المايسىڭ،شىرىشتاي ەل ىشىندە ءجۇرىپ-اق جالعىزسىرايتىن ساتتەر دە بولادى....ال،ءومىر دەگەن قىپ-قىسقا.....!

   ....ءارى ۇلكەن،ءارى بيىك باسقالاردان
ءۇش بولەك ءبىر وزىڭە تاس قالانعان.
زيراتىڭ وقشاۋ ەكەن باسقالاردان
كىمسىڭ سەن،وسى بەيتتە جاتقان ادام؟

   باتىر ما ەڭ؟جاۋ جاسقانعان قاھارىڭنان،
جۇيرىكپە ەڭ؟سۋىرىلعان قاتارىڭنان
اسپەتتەپ ەلەڭ ادەي جەرلەگەنبە؟
ءشارشاپ كەلىپ تىنعاندا ساپارىڭنان؟

    الدە اقىن،انشىمە ەدىڭ زامانىڭ دا؟  
ىشكى مۇڭ وت بوپ جانعان جانارىڭدا.
تىرلىك تۇرماق ولىڭدە زيراتىڭمەن
ەلدەن وقشاۋ بولۋدى قالادىڭ با؟

  الدە،كوپ باي،ۇلىقتىڭ ءبىرى مە ەدىڭ؟
اتاق پەن ابىرويدىڭ قۇلى ما ەدىڭ؟
ۇرپاقتارىڭ مال ءشاشىپ تاس ۇيگەنبە؟
كوز-كوڭىلىن اۋدارماققا تىرىلەردىڭ.

بيىكتەپ مۇناراداي تاس قالاعان
كىمسىڭ سەن،وسى بەيتتە جاتقان ادام؟
ايتشى ماعان؟ادەيى كەلىپ تۇرمىن
جان ەدىم باسقاشالاۋ،باسقالاردان.

  ......جاتىر-اۋ،جون ايتۋعا ءتىلىڭ كەلمەي
زيراتىڭ تۇر تۇنەرىپ،تۇڭىلگەندەي.
سويلەر ەڭ-اۋ،كەز كەلسەم تىرلىگىڭدە
زيراتىڭنىڭ باسىنا بۇگىن بۇگىن كەلمەي.

  بۇل ومىرگە بۇرىن كەپ،بۇرىن كەتكەن
ماعان سىرلى،ءبيمالىم مۇڭىڭ جەتكەن،
سەندە مەندەي بەيمازا جان با ەكەنسىڭ
الدە نەنى اڭساۋمەن عۇمىر كەشكەن؟!

جەل ەسكەن،كۇن جايناعان دالا مىناۋ،
جوق بولىپ،جابىلعاندا جانارىم-اۋ
اياقتاپ كۇن استىندا ساپارىمدى
ءبىر كۇنى مەن دە سەندەي قالارمىن با-اۋ؟!

  كەتەرمىن بە-اۋ،شەرىمدى ءبىر باسا الماي؟
ىزدەگەن ادامىمەن سىرلاسا الماي
مەن قۇساپ كەلسە ءبىر كۇن قابىرىمە
قالام با-اۋ،ءتىلىم كەلمەي،ءتىل قاتا الماي؟؟؟!!

    2007-جىل.22-ناۋىرىز.

ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق