تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 740|جاۋاپ: 3

قارا قوس (پوەما)

[جالعانىمدى كوشىرۋ]

2

تاقىرىپ

0

دوس

36

ءنومىر

اۋەسكەر مۇشە

Rank: 1

جولدانعان ۋاقىتى 2015-7-23 15:47:02 |بارلىق قاباتتى كورسەتۋ
         قارا قوس      
الىس كەتسەم اتتىڭ باسىن بۇرا الماي ،
قىزعىن قالا قىزۋ تۇرمىس قيا الماي .
قارا قوستى قاقىراتىپ جەتەدى ،
قارا شالدان اشتى داۋىس ءبىر ايعاي .
اشتى داۋىس مەنىڭ مۇڭىم جان ايعاي ،
قارا قوستى اڭساپ جۇرمىن بارا الماي .
كەشىر دالام بولىپ جۇرمىن قان جىلىك ،
اداستىرعان بالالىقتى تابا الماي .
قۇتىلا الماي سان مىڭ قايعى سۇراقتان ،
ءبىر قارا قوس ەلەستەيدى قىراتتان .
ماعان قاراپ تەلمەڭدەيدى جالعان-اي ،
پۇشىق اتان كەشە بابام جۇك ارتقان .
ءوتىپ جاتىر بالالىقتار  ەلەستەر ،
كۇبىرلەيدى قارا تاۋلار دوڭەستەر .
قول بۇلعايدى قۇلىنىم دەپ قوينىنا ،
قارا قوسىن تىگىپ الىپ بەلەستەر .
سار جايلاۋ ساعىنش مۇڭ سىزداتقانى ،
اناۋ بىزدىڭ جۇرت ەدى قىر جاقتاعى .
قارا قوستا اكەم ماعان قوش ايتقان ،
جەتىمدىكتى تەلتىپ مۇزداپ قانى .
اكەم كەتكەن بەتكە الىپ كەلمەستى ،
ساعىنشىم كەتتى قۋىپ ،جەلگە ەستى .
قارا قوستىڭ بەلدەۋلىگىن جۇلقىپ تۇر ،
اكەم مىنگەن كەرمەدەگى كەربەستى .
قارا قوستان شىرىلداعان جاس بالا ،
جانارىنان قان ارالاس جاس تاما .
اكەلەسە ءۇن قوسادى شىداماي ،
قىل قوبىزىن قولىنا الىپ تاس مولا .
سودان بەرى ءوتتى قانشا كۇز كوكتەم ،
قايتقان قازدار ورالۋدا تىزبەكپەن .
انام جاتىر قارا قوستى جاماۋمەن ،
جىلىتا الماي جۇرەگىنە سىزدى وتكەن .
       قارا قوس (2)
  ***
وتكەن كۇننىڭ قۇنداقتاپ اپ ەسىمىن ،
قارا شال جۇر تەربەپ تاريح بەسىگىن .
بابالار مەن جۇزدەسكىم كەپ تىلدەسكىم ،
سىعالايمىن قارا قوستىڭ تەسىگىن .
قاسيەتىڭ قانعا سىڭگەن عاسىردان ،
ىزدەرىڭدى ىزدەپ كەلەم جاسىرعان .
وتكەن كۇننىڭ زورعا جيدىم پاراعىن ،
قارا قوستىڭ ۋىعىنداي شاشىلعان .
شيىرلادىم تابا المادىم سان ىزدى ،
قايدا حالقىم كوڭىلى اق جانى ىزگى .
قارا قوسقا شوگەرەمىن عاسىردى .
وتەۋ ءۇشىن مىناۋ ۇرپاق پارىزدى .
عۇمىر كەشتىم جول بۇدرىن مايدالاپ ،
سابي كوڭىل ارمان بولدى -اۋ ايدان اق .
جاباعىڭدى  جاتسام بەكەن جامىلىپ ،
قارا قوستىڭ تەسىگىنەن اي قاراپ .
قارا قوستا قازاقتىڭ كەڭ ەسەبى ،
اق تىلەكپەن قايتاتىن بەرەشەگى .
جىرتىعى كوپ بولعان سوڭبا بىلمەيمىن ،
ىلعي ايتەۋ جاقسىلىق جەلى ەسەدى .
قارا قوستا قادىرلى ەدى ولەڭىم ،
ەندى كىمگە ءسوز مارجانىن توگەمىن .
سار دالانىڭ ساعىنىشىن قۇنداقتاپ ،
ءوز ويىمىنىڭ بەسىگنە بولەدىم .
        قارا قوس (3)
***
جىلدار جىلجىپ كەتىپتى -اۋ سىرلى اعستان ،
قونباس قايتا باقتىم قولدان ۇشقان .
قارا قوستاي جۇرەگىمدە جاماۋ كوپ ،
ساعىنشتان سارعايعان، تولعانستان .
شەرتىلمەگەن تالاي تاريح سىرى بار ،
قارا قوسسىز قاي پەندەسى ۇعىنار .
باق پەن سوردى تەڭ كوتەرىپ مۇجىلعان ،
قارا قوستىڭ قاسىرەتى مۇڭى بار .
قارا قوسىم كيەلى ۇعىم -- پاراسات ،
قارا قوسپەن تۇرلەنگەندە دالا شات .
ءبىر ۋىقتا ءبىر تاريح مۇڭى بار ،
شاڭىراقتىڭ ءار ءبىر   كوزىن ساناساق .
قارا قوسىم كيەلى ۇعىم -- قاسيەت ،
قارا قوسىم بابا ءسوزى -- وسيەت .
قارا قوسقا قايتا سەنىڭ ەنبەۋىڭ ،
جات باۋىرلىق ،
            قارا نيەت ،
                     قاسىرەت .
قارا قوسسىز ۇلان بايتاق جەر جەتىم ،
شاڭىراقسىز حالقىم قالسا ەل جەتىم .
قارا قوسقا قوناقتاعان ەرتەڭىم ،
ەرتەڭى جوق وسكەن مىناۋ مەن جەتىم .
جەر سۇراسا مەن نەدەيمىن باباما ،
ەل سۇرا مەن نەدەيمىن دالاما .
وتكەن كۇنىڭ قايدا دەسە -- ءتىل كۇرمەۋ ،
قارا قوستا الديلەگەن اناما .
          قارا قوس (4)
****
داۋىرىڭدە ءوتىپتى -اۋ باستان مىنا ،
قارا شالدار قارا دوڭ جاستاندىما !؟
قارا قوستىڭ شاڭىراعى قاڭسىپ تۇر ،
ەلەستەيدى ەل جەتىم ، تاستاندىعا .
ناعىز جايعا  حالقىم قولى جەتتى مە ؟
جەم بوپ جۇرمە كىم بىلەدى ەپتىگە .
بوساعاڭدى تۇرعىزعانمەن بولاتتان ،
شاڭىراعىم شايقالماسىن دەپ تىلە .
بولعانمەنەن قازىر بىزگە باق قايعى ،
تورلاۋسىز كۇن ەشكىم وپا تاپپايدى .
‹جىرتىق ءۇيدىڭ قۇدايى بار › ەمەسپە ،
ءبىر ساقتاسا سول قارا قوس ساقتايدى .
سىر شەرتكەندە تاريىحتار ، اڭىزدار .
جۇتا الماعان سان الاپات ،
سان ىزعار .
كۇركەشەمەن كۇللى الەمگە تانىلعان ،
قازاق ماڭگى قارا قوسقا قارىزدار .
كۇتەر بولساق عاسىرلاردىڭ شەشىمىن ،
قالار ماڭگى تاريىحقا ەسىمىڭ .
امان بولسن وسى قارا شاڭىراق ،
قارا قوسىڭ قازاق قىلعان -- بەسىگىڭ .


33

تاقىرىپ

2

دوس

1049

ءنومىر

تەتە رەداكتور

Rank: 8Rank: 8

جولدانعان ۋاقىتى 2015-8-4 15:21:53 |بارلىق قاباتتى كورسەتۋ
بار شاتتىعىڭ قارا قوستان تاراعان، بار قۋانىش قارا قوسقا قاراعان، قارا قوسقا قايعى دا ورتاق، قۋانىش، ءبارى-ءبارىن سىيدىرا العان قارا قوس...

12

تاقىرىپ

1

دوس

913

ءنومىر

تەتە مۇشە

Rank: 4

جولدانعان ۋاقىتى 2015-10-17 23:10:23 |بارلىق قاباتتى كورسەتۋ
باۋىرىم، «قاراقوسىڭدى» وقىپ شىقتىم، تالابىڭ بيىك، قاناتىڭ جاس ەكەن. شىعارماڭداعى:
انام جاتىر قارا قوستى جاماۋمەن ،
جىلىتا الماي جۇرەگىنە سىزدى وتكەن
...
وتكەن كۇننىڭ زورعا جيدىم پاراعىن ،
قارا قوستىڭ ۋىعىنداي شاشىلعان .
...
باق پەن سوردى تەڭ كوتەرىپ مۇجىلعان ،
قارا قوستىڭ قاسىرەتى مۇڭى بار . -- قاتارلى تولعانىستارىڭ سەزىمدىك بوياۋىمەن ماعان ۇنادى. ءبىراق شىعارماڭ ءالى دە شىمىرلاۋدى قاجەتسىنەدى. بىرنەشە رەت قايتالاپ وڭدەپ شىقساڭ بولار ما ەكەن؟! ماسەلەن:
ماعان قاراپ تەلمەڭدەيدى جالعان-اي ،
پۇشىق اتان كەشە بابام جۇك ارتقان. -- دەگەن ولەڭ جولىندا «تەلمەڭدەيدى» ەتىستىگى باباڭ جۇك ارتقان پۇشىق اتاننىڭ وزىڭنەن الدەنەنى ۇمىتتەنىپ تۇرعان مۇشكىل  كەيپىن سۋرەتتەۋگە جارامايدى. مەنشە، «تەلمىرەدى» دەپ وزگەرتسەڭ بولاتىنداي. ويتكەنى «تەلمەڭدەۋ» جاعىمسىز قيمىل، سۇرانشاق بىرەۋدى جاقاتپاعان شەشەلەرىمىز  «مىنا  نەمە تەلمەڭدەپ قايتەدى» دەمەۋشى مە ەدى. ويلان، باۋىرىم، ويلان!!


2

تاقىرىپ

0

دوس

36

ءنومىر

اۋەسكەر مۇشە

Rank: 1

جولدانعان ۋاقىتى 2015-10-30 11:39:43 |بارلىق قاباتتى كورسەتۋ
tohayev جاعىنان جولدانعان 2015-10-17 23:10
باۋىرىم، «قاراقوسىڭدى» وقىپ شىقتىم، تالابىڭ بيىك، قان ...

راحىمەت اعا ، وسى اراعا جولداۋداعى ماقساتىم اعالارمەن پكىر الماستىرۋ ،وسى تور بەتىنىڭ وسىنشا تىم -تىرىس جاتقانىنا قايران قالام .باسقادا قانشاما شىعارمالار وسى ارادا پىكىرسىز ،تالاسسىز جاتىر ،ءسىز دەن بولسىن اعا ،«قارا قوس»  جالعاستى كەمشىلىكتەرىن اشالاي تۇسسەڭىز ،مەن ويلانىپ تولىقتايىن

ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق