تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 641|جاۋاپ: 4

قاڭعىباس ايتاقتار

[جالعانىمدى كوشىرۋ]

9

تاقىرىپ

11

دوس

753

ءنومىر

تەتە مۇشە

Rank: 4

جولدانعان ۋاقىتى 2015-7-29 13:17:05 |بارلىق قاباتتى كورسەتۋ
(اڭگىمە)
مەيرانبەك قالياسقار ۇلى

سيراقتارى ساقپىداي، كوزدەرىن بىلشىق باسقان، كەيى ساباۋ قۇيرىق تازىعىر بولسا، ال تاعى ءبىرى سالپاڭ قۇلاق جۇندەس، كەيى بۇيرا جۇندەرى كىر- قوجالاقتانعان بۇزاۋباس، قالاشىقتىڭ بۇلىڭ- بۇشپاعىن كەزىپ، كەيدە جالعىز، كەيدە توپتاسىپ ۇيىرىمەن جۇرەتىن اشالاپ ايتساق ارعى تەگى بەلگىسىز قاڭعىباس قاندەندەر كوبەيە قالدى.
تۇرقىن بىلاي قويعاندا، اتتارىنىڭ ءوزى قاسەكەڭدەر مەن ۇرلاردىڭ زارەسىن الاتىن الپسوق، ءبورىباسار، قۇتپان، جولدى اياق بولىپ كەلەتىن اۋىلدىڭ كەۋدەلى، قايىڭ سيراق يتتەرىن كورىپ وسكەن ءبىز مىنا قۇرتىمىش جاۋتىكەردى كورىپ، «كورمەگەنگە كوسەۋ تاڭ» دەگەندەي كەيبىرىمىز تاڭدانساق، كەيىمىز قىلجاققا اينالدىرىپ كۇلگەن ەدىك.
«ءيت ءمىنىپ يرەك قامشىلاعان»كۇن كەلمەسكە كەتكەن، مىنا شات زاماندا قالانىڭ حالقى تۇرقى توبىقتاي، كىشكەنەلىگىمەن سۇيكىمدى كورىنگەن وسى ماقۇلىقتاردىڭ كوشەدە ەركىن سايران سالۋىنا باستابىندا قارسى بولمادى. يەلەرى ەرتىپ، كوشەدە تاكاپپارلانا قۇيرىعىن قايقايتىپ، ماڭعازدانانىپ جۇرەتىن ولاردىڭ قادىرى كەي اقشالى الىپسوقتاردىڭ بەل بالاسىنان دا قىمباتتى ەدى. ونسىن بىلاي قويعاندا، موينىنا تاعىلعان قارعى باۋىنىڭ ءوزى نەشە مىڭ تەڭگە تۇراتىن سول شوجىگەن ايتاقتاردىڭ كەيىن قادىرى كەتە باستادى. ۇيتكەنى ولاردىڭ توبى مولايىپ، قاتارى كوبەيدى. كەيبىرى يەسىز قالدى. سونىمەن قالانىڭ بۇرىش- بۇرىشىندا كەزىپ جۇرەتىن بۇرىنعى «اق جاعالى» ايتاقتار ەندى مىسكىن كۇيگە تۇستى.
ال تۇقىمى قۇرۋعا اينالعان كەزىندە "اۋىرۋ تاراتادى" دەگەن اتپەن ءار اۋىلدان ارناۋلى حالىق جاساقتارىن شىعارىپ شيتى مىلتىقپەن اتقىزىپ تۇگەتكەن «جەتى قازىنانىڭ ءبىرى» دەپ قادىرلەنەتىن قازاق توبەتىنىڭ قىمباتى ارتتى. قاندى اۋىز قاسقىردى قويىپ، الىپ كۇشتىڭ يەسى ايۋمەن الىسۋعا دەيىن بارعان سول سورماڭدايلاردى ساعىناتىن بولدىق.
"بىرەۋدىڭ قاڭسىعى، بىرەۋدىڭ تاڭسىعى" دەپ حالقىمىز تەگىن ايتپاعان عوي. كوشە، بازار، باقشا دەمەي، ارتقى ءبىر سيراعىن كوتەرىپ كەز كەلگەن جەرگە ساري سالاتىن، ءناجىسىن تاستايتىن سول تۇرپايى توبىرلارعا ءبىزدىڭ كەي قىزدارىمىز قۇندىلدى بولا قالدى. ۇيىنە اپارىپ بەس باتتام بولعان جۇندەرىن جۋىپ، قىمبات باعالى قارعى باۋىن تاعىپ، وزدەرىنە سەرىك ەتتى...
وتكەندە ءبىر جيىندا قالامىزدىڭ ءبىر قارت باسشسى ءسوز كەزەگىندە:- قالاداعى يەسىز ايتاقتاردىڭ ورتا تازالىعىنا بولعان ىقپالى وتە اۋىر بولىپ وتىر. ونىڭ ۇستىنە بالالاردى ءتىپتى ۇلكەن ادامداردى قاۋىپ جارالاۋى دا كۇن سايىن كوبەيىپ بارادى. قالاداعى قاتستى ورىنداردىڭ وسى قاندەن يتتەردىڭ يەسىن تاۋىپ، اۋلاسىنان شىعارماي باعۋىن، يەسى جوقتاردى قاتاڭ ءبىر جايلى ەتۋىن ، ۇكىمەت تاراۋلارىنىڭ بۇل قىزمەتكە باسا ءمان بەرۋىن وتىنەمىن،- دەدى ءسوزىن تۇجىرىمداپ. جيىنعا قاتىناسقانداردىڭ تەڭ جارىمىنا جۋىعى بۇل ۇسىنستى جاپا تارماعاي قول سوعا قۇپتادى.
سول ۇسىنىس ورتاعا قويىلعالى دا جىلعا تايادى. قاندەندەر كوبەيمەسە ازايعان جوق، اۋەلى كىشكەنە تىستەرىن اقسيتىپ ادامعا ايبار شەگەتىن، بايقاتپاي كەلىپ بالتىردان الا كەتەتىن يتتكتەرى دە اسقىنا تۇستى. بىزدە ولاردى قاسقا ماڭدايداي قاعىپ، قاڭق ەتكىزۋگە باتىنا الماي ءجۇرمىز. اتاڭ قازاق "ءيت ۇرساڭدا يەسىنە قارا" دەگەندى بەكەر ايتپاعان عوي.
سوڭى
بۋرىلتوعاي اۋدانى قۇرىلس سولتۇستىك جولى تۇرعىندار كوميتەتى


33

تاقىرىپ

2

دوس

1049

ءنومىر

تەتە رەداكتور

Rank: 8Rank: 8

جولدانعان ۋاقىتى 2015-8-4 15:29:11 |بارلىق قاباتتى كورسەتۋ
    ادەمى جازىلعان اڭگىمە.  قىشقىلدىعى باسىم ەكەن...

9

تاقىرىپ

11

دوس

753

ءنومىر

تەتە مۇشە

Rank: 4

جولدانعان ۋاقىتى 2015-8-10 19:49:46 |بارلىق قاباتتى كورسەتۋ
kayratsawet جاعىنان جولدانعان 2015-8-4 15:29
ادەمى جازىلعان اڭگىمە.  قىشقىلدىعى باسىم ەكەن...

راحىمەت اعا.

4

تاقىرىپ

1

دوس

95

ءنومىر

جاس تالاپ

Rank: 2

جولدانعان ۋاقىتى 2015-9-16 23:31:16 |بارلىق قاباتتى كورسەتۋ
و، بارەكەلدى! ءيتتى جاسقاساڭ دا يەسىنە قارايتىن قۋ ايار زامان- اي...

3

تاقىرىپ

3

دوس

701

ءنومىر

تەتە مۇشە

Rank: 4

جولدانعان ۋاقىتى 2016-1-9 15:11:33 |بارلىق قاباتتى كورسەتۋ
"ءيت ۇرساڭدا يەسىنە قارا"،،،،،،،،،،"ءيتتى جاسقاساڭ دا يەسىنە قارا"،،، تاماشا جازىلعان ،،

قازاق ءتىلى دۇنيەدەگى ەڭ تاماشا ءتىل
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق