تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 567|جاۋاپ: 2

مەزگىل مەتروسىنداعى قيال...

[جالعانىمدى كوشىرۋ]

29

تاقىرىپ

5

دوس

501

ءنومىر

تەتە رەداكتور

Rank: 8Rank: 8

جولدانعان ۋاقىتى 2015-8-4 22:58:44 |بارلىق قاباتتى كورسەتۋ
مەزگىل مەتروسىنداعى قيال...
(جاي جازبا)
قاديلا نۇرعالي قىزى

قادىم  زاماندا ‹‹حانبالىق›› اتالعان قاسيەتتى قالاعا كەلگەلى كۇندەرىمنىڭ تىم تەز ءوتىپ جاتقانىن اڭعاردىم. اتتەگەنايلاپ شيىرىعاتىنداي ويعا العان جوبا-جوسپارىم دا جوق، ايتەۋىر، ۋاقىتتان ەسەسى كەتكەن جانشا تاڭ اتىسىمەن جۇرەگىمدى الاساتقان ءبىر سەزىم مازاسىزداندىرادى دا تۇرادى. سونسىنا جاراي، كەشتىڭ باتۋى قانداي تەز دەسەڭشى. قاراقۇرىم حالقى بار الىپ ەلدىڭ استاناسى بولعان باس قالانىڭ كوشەسىندە ادام از،  ارينە، قارت قالا ادامنان كەندە ەمەس، از كورىنەتىنى-ادامى تۇگەل جەر استىندا حارەكەت قىلادى. قالانىڭ قالىپتاسقان ارحيتەكتۋرالىق كورىنىسىنە نۇقسان جەتكىزبەيتىن، جەر بەتىنىڭ شۋىلىن، اۋانىڭ لاستانۋىن ازايتىپ، ەنەرگيا مەن ۋاقىت ۇنەمدەۋگە ۇلكەن ۇلەس قوسقان، ايالدامالار اراسىن تۋرا ءارى قىسقا جولمەن بايلانىستىرۋعا مۇمكىندىك اپەرگەن وسىبىر جۇردەك قاتىناس قۇرالى بەيجىڭدە 1969-جىلدان باستاپ دايىندىق رەتىندە سالىنعان ەكەن، 1981-جىلى رەسىمي قولدانىسقا تۇسىپتى. بۇگىن دە قالانىڭ قايسى بۇرىشىنا بارامىن دەسەڭىز دايىن. كولدەنەڭ كولىككە، جاياۋلارعا ەش كەدەرگىسى جوق، ونىمەن سالستىرعاندا، كوشە اۆتوبوزىنىڭ جۇرىسى وگىز اياڭعا تەڭ بولىپ قالاتىنىن اسىققان ساتتە بىلەسىڭ. كەيدە ويلايمىن، اگاراكىم، مەترو بىرەر كۇن توقتاپ قالسا،  قالانىڭ جايشىلىقتا ىعى-جىعى كولىكتەن بوسامايتىن كوشەسى قانداي كۇيگە تۇسەر ەدى دەپ...مىناۋ تاڭى مەن كەشىنىڭ اراسىن ادىممەن-اق ولشەپ الۋعا بولاتىن ۋاقىتقا تاپشى قالانىڭ اۋپىرىممەن ارەڭ-ارەڭ قالىپقا تۇسىرىپ قويعان تىرشىلىگىنىڭ تىنشى كەتەرمە ەدى، قايتەر ەدى. قۇدىرەتىن ايتساڭشى، مەترو بەكەتىنىڭ تابالدىرعىنا اياعىڭ ىلىنگەن زاماتتا-اق جەر استىنداعى تىرلىكتىڭ تىنىسىن سەزە قوياسىڭ. سىرتىنان قاراپ تۇرساڭ، كوشىپ بارا جاتقان سەكىلدى، بوسىپ بارا جاتقان سەكىلدى ءيىن تىرەسكەن ادام كوڭىلىڭدى تولقىتادى. بۇرىن كورمەگەن كىسىنىڭ جوپەلدەمەدە اسپاننان تۇسكەندەي اڭتارىلارى مۇندا تۇر. باعىتىن مەڭگەرىپ، باعدارىن تانىپ بولعانشا، بەكەتتىڭ ءىشىن سان مارتە شيىرلاۋ كەڭ ساحارانىڭ كەرىگىندەي ەركىن وسكەن بىزدەر ءۇشىن ءبىر مەزگىل ەرمەك سەزىلدى . لۋشۇن ادەبيەت يىنسيتۋتەتىنە بىرگە بارعان التى اعا، ەكى باۋىرىمنىڭ ارقاسىندا ماعان باستاپقىدا مەتروعا تۇسۋ تۇكتە قيىن سەزىلگەن جوق، بەكەتتى سولار ىزدەيدى، باعىتتى سولار ايىرادى، بوس ورىندى ماعان ۇسىنادى، مەنىكى انشەيىن  سەگىز اعاسىنىڭ ساياسىندا شاشىنا شاڭ قونبايتىن سەتەر بايدىڭ جالعىز قىزىنكىندەي ەركە تىرلىك. اعالارىم باردا‹‹اداسام-اۋ››دەمەيمىن، باۋىرلارىم باردا باعىت ىزدەپ باس اۋىرتپايمىن. ارينە، جالعىز جۇرىپ جول تاباتىن ءبىر كۇننىڭ كەلەرىن سەزسەمدە سەلقوس پيىعل تانىتقانىم قاق. ءبىر كۇنى ورتالىق حالىق راديو ىستانسياسىندا ىستەيتىن ساباقتاسىم اۋاشا جولىعۋعا شاقىردى، جالعىز بارۋعا ادەپكىدە باتپاعانمىن، ساباق اقىرلاسىپ، جازاتىن دۇنيەلەر كوبەيگەن، ونىسىزدا قىسقا كۇننىڭ قىزىعىنا قانا الماي جۇرگەن اعالارىمدى اۋىرەلەۋگە كوڭىلىم سوقپادى. ساباقتاسىمنىڭ مەڭىزەگەن ءادىرىسى بويىنشا تارتىپ كەتتىم. مەترودا ينە شانشار جەرى جوق، توقتاعان ساتتە ەسىكتەن سان قيلى ادام ساۋ ەتىپ تۇسەدى، ساۋ ەتىپ كىرەدى. قولفونعا تەلمىرىپ،كۇلگەنى ياكي جىلاعانى بەلگىسىز تىرجىڭداپ وتىرعان ءتىرى ءمۇسىن تاقىلەتتەس جۇرگىنشىلەردىڭ ءجۇزى دە، كولىكتىڭ ءىشى دە ساپ-سالقىن، تەرلەپ تۇرساڭدا، تۇلا بويىڭدى كەۋلەي جونەلگەن سۇپ-سۋىق ىزعاردان تىتركەنىپ كەتەسىڭ. ىستىق-سۋىعى جوق قولامتا مىنەزدەن جازبايتىن ساپارلاسىڭمەن ساعاتتاپ جۇزبە-جۇز تۇرساڭدا ول سەن ءۇشىن، سەن ول ءۇشىن جوققا ەسەپ...مىنەكەي، وقتىن-وقتىن قيالىمدى جيىپ، قابىرعاداعى بەكەت كورسەتپەسىنە قاراپ قويامىن، ساباقتاسىمنىڭ ەسەبىنشە بولعاندا، قىرىق مينوتتا جەتسەم كەرەك ەدى، ءبىراق، مەتروعا بۇت ارتقانىما ءبىر ساعاتتان اسىڭقىراپ كەتتى. بىردەمەنى بۇلدىرگەندەي بولعانىمدى سەزدىم. سوڭعى بەكەتتەن ءبىر-اق شىققاندا بارىپ، تەرىس باعىتقا كەتكەنىمدى ءبىلدىم. شەكتى عانا ەكى ساعات ۋاقىتىمنىڭ مەترودا عايىپ بولعانىن ويلاپ  سالىندىم سۋعا كەتىپ سۇلكىنىم تۇسىپ، كەيىدىم. سوسىن، جوڭكىلگەن جۇرتتىڭ ورتاسىندا سوستيىپ تۇرىپ قالدىم. كوزىمە سەزىمسىز، قۇر سۇلدەرى عانا بار قايشالىسقان قاڭقالار ەلەستەي بەردى. قارسى الدىڭنان كەپ قالعانى كەۋدەڭدى قاقىراتىپ وتە شىعارداي كيمەلەيدى، الدەءبىر شەكسىز الەمگە بەتتەپ بارا جاتقانداي اسىعىس. ارتىنشا، سەڭدەي سوعىلعان قاڭقالار  لەگىندە جاد باس كىسىدەي قالباڭداپ كەتىپ بارا جاتقان ءوز سۇلبامدى كورگەندەي بولدىم. ءيا، اعىلعان توپتىڭ اراسىندا باعدارىن بىلمەيتىن قانشاسى كەتىپ بارادى، كولىككە مىنگەنىنە كوڭىلى توق، تىزگىنىنىڭ قالاي تارتارتىنان حابار جوق قانشاسى كەلە جاتىر، ءومىردىڭ رەلىسىندە زىمىراپ كەلە جاتقان مەزگىلدىڭ مەتروسى مىزعاپ كەتكەن قانشاما پەندەنى كوزدەۋلى كومبەسىنە تۇسىرمەي الىپ كەتە باردى ەكەن...مەزگىلدىڭ مەتروسى، سەن كىمدەردىڭ قادامىنا قانات ءبىتىردىڭ، كىمدەردى اداستىردىڭ...
ىسىلداپ جەر تۇبىنەن جەتكەن ءۇن ويىمدى ءبولدى. باعانادان الاقانداي قولفونعا  تۇقىرا قاراپ، زاۋىم مەزگىل تىم-تىرىس  قالعان توپ ىشقىنا توقتاعان مەترو ەسىگىنە لاپ قويىپ، ىشكە ۇمتىلدى...مەندە قارمانا بەردىم.

ادام ءوزى تۋرالى تولىق شىندىقتى مويىنداعىسى دا، ەستىگىسى دە كەلمەيدى.
                                          -زيگمۋند فرەيد

5

تاقىرىپ

2

دوس

1510

ءنومىر

اعا بۋىن مۇشە

Rank: 6Rank: 6

جولدانعان ۋاقىتى 2015-8-31 12:04:23 |بارلىق قاباتتى كورسەتۋ
ادام ءومىرىن مەزگىل مەتروسىنا بايلانىستىرا تاماشا شەنەگەن تابىستى شىعارما ەكەن.
دادم قيالى شەكسىز سول شەكسىز قيالدى ادامدارعا وي سالارلىق ەستەمەگە ايلاندىرا الۋدا زور ەڭبەك سانالماق.
جازارڭىز مول بولسىن حالقىڭىزعا رۋقاني ازىقتان مول شاشۋ شاشا بەرىڭىز.........!
كوڭلدى كۇندەر بولعاي.

23

تاقىرىپ

1

دوس

149

ءنومىر

جاس تالاپ

Rank: 2

جولدانعان ۋاقىتى 2015-9-9 21:40:50 |بارلىق قاباتتى كورسەتۋ
راقىمەت قاديلا وقىعاندا ادام عۇمىرىنىڭ قانشالىق تەز وتەتىنىن ءبىر قىرىنان ويلاپ وزەگڭ ورتەنسە ەندى بىردە، جىگىتتەردىڭ مەترو توسالعىسىنان قايتا بەرى ءوتىپ بەلەتتەرىىمىز  كۇشىنەن قالىپ، بياعاڭنىڭ تاسقاۋىلدان وتە شىققان قىزىقتارى ەسكە ءتۇسىپ ەرىكسىز جىمىيادى ەكەسىڭ.
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق