تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 573|جاۋاپ: 2

ءيتتىڭ اڭگىمەسى

[جالعانىمدى كوشىرۋ]

1

تاقىرىپ

0

دوس

17

ءنومىر

اۋەسكەر مۇشە

Rank: 1

جولدانعان ۋاقىتى 2015-8-31 00:56:12 |بارلىق قاباتتى كورسەتۋ
ءيتتىڭ اڭگىمەسى

اۆتورى: ەرتاي ادىلبەك ۇلى
ءيتتىڭ اتى ايبالا.
ايبالا ءوزىنىڭ وتكەن تاريحى نەمەسە كىسىلەردىڭ ءوزىن نە ءۇشىن « ايبالا » دەپ شاقىراتىندىعى تۋرالى ەشتەڭە ايتىپ بەرە المايدى. ونىڭ وتكەن ءومىر بايانى تەك وسى تەرريتوريانى كۇزەتكەن كۇننەن باستالۋشى ەدى.
كۇندەردىڭ ءبىر كۇنى ايبالا ءىشتى بولدى. جان قۇشتارلىعى بولسىن الدە ءتان قۇشتارلىعى بولسىن، ءتاڭىرىم انانىڭ قۇرساعىنا تىرشىلىكتىڭ گۇلىن ەگەدى. تاۋدان اققان ەكى بۇلاق قوسىلىپ، ءومىردىڭ وزەنىنە اينالادى.
قانشا مەزگىل وتكەنىن كىم ءبىلسىن، ايبالا قۇرساعىنداعى كۇشىكتەردىڭ جۇرەك ءلۇپىلىن سەزىندى. شىركىن، تىرشىلىك جۇرەگىنىڭ ءدۇرسىلى الەمنىڭ قۋاتتى سىمفونياسى عوي.
جەر شارىنىڭ جوعارى ەندىگىنە ورنالاسقان شيەلىنىڭ دالاسىنا كوكتەم جاي كەلەدى. وسىنداي ءبىر مامىراجاي كوكتەم كۇندەرىنىڭ بىرىندە ايبالا كۇشىكتەگەن. پاي – پاي، ءومىر– اي، دەشى. كۇشىكتەدىڭ اۋزى- باسى كوپىرشىكتەنىپ، شوپىلدەپ ەمەدى ايبالانى، ونان سوڭ راحاتتانىپ ۇيىقتايدى- اۋ كەلىپ.
ءدال، قازىرگى مەززەتتە، تەك ءبىزدىڭ قياليىمىزبەن ولشەنەتىن كەڭىستىكتە، جانسىز ماتەريادان باسقا، تىرشىلىك اتاۋلىنىڭ ىشىندەگى ەڭ باقىتتى جان يەسى وسى ايبالا ەدى.
ءبىراق، جازمىشتان وزمىش جوق دەگەن ءسوز بار ەمەس پە، ايبالانىڭ وسىنداي باقىتتى شاعى ۇزاققا جالعاسپادى.
كەشكىلىك تەرريتوريانى شولىپ شىعايىن دەپ ءبىر مەزەتتىك شىعىپ كەتكەن ەدى ۇيشىگىنەن، ەندى مىنە قايتا ورالدى. ۇيشىك قاڭعىراپ بوس تۇر، كۇشىكتەرى جوق بولىپ شىقتى.ونىڭ جۇرەگى ءبىر سۇمدىقتىڭ بولعانىن سەزە قويدى. زاۆودتىڭ ار جاعىنا جۇگىرىپ ءبىر شىعادى، بەر جاعىنا ءبىر شىعادى. ميى تۇماندانىپ، كوزى قاراۋىتىپ كەتتى بايقۇستىڭ. ايبالا شار تاراپقا شابۋىلداپ جۇرىپ، اياق جەتەر جەردەگى يەن دالادان كۇشىكتەرىن ىزدەۋمەن بولدى.
ول كورەر تاڭدى كوزبەن اتىردى.
ءبىراق، ايبالانىڭ كۇشىكتەرىنەن ەشبىر حابار بولمادى. ومىراۋى سىزداپ، جانىنا قاتتى باتتى. ول، ءبىر بيىككە شىعىپ الىپ، زار جىلاپ، زاپىران قۇستى. ءتورت توڭىرەككە تەلمىرىپ، ءبىر ساتكە كىدىرمەي ۇلۋمەن بولدى.
قايدا جۇرسىڭدەر، مەنىڭ قوس قۇلىنىم، تىرشىلىگىمنىڭ تىرەگى. مەن بەيباقتى جالعىز تاستاپ كەتكەننەن، تىرىدەي كومىپ كەتكەندەرىڭ ارتىق ەدى- عوي. سەندەرسىز مەنىڭ جەر بەتىندە ءتىرى جۇرۋىمنىڭ نە ءمانىسى بار؟
ونىڭ كوزدەرىنەن سوڭعى كەزدەرى ءتىپتى، قان ارالاس جاس اعاتىن بولدى.
مىناۋ ءبىر جامان ىرىم باستاعالى جۇر، كۇن – تۇنىمەن ۇليدى، ءوزى ءبىر پالە بولدى عوي،- دەپ، قاڭقۋ سوزدەردە شىعا باستاعان.
اۋ، قادىرىڭنىڭ كەتكەنى وسى ما؟ كۇن دەمەي، ءتۇن دەمەي، وسى تەرريتوريانىڭ اماندىعىن قورعاپ جۇرگەن وسى ايبالا ەمەس پە ەدى؟
ول، كۇشىكتەرىن ىزدەۋ بەكىمىنە كەلدى. بۇل بەكىم، ايبالا سەكىلدى انالاردا بولاتىن عانا ۇلى بەكىم ەدى.
ايبالا، كۇشىكتەرىن ىزدەۋگە شىلدەنىڭ ورتا شەنىندە شىعۋىنىڭ وزىندىك سەبەبى بار ەدى. ول، دۇنيەنىڭ شەتى بولعان تۇزدى كولگە قىس تۇسپەي جاتىپ جەتىپ الماقشى بولاتىن.
ايبالا اۋىلدىڭ سىرتىنان اينالىپ وتەيىن دەگەن ەدى، ءبىراق ءنار تاتپاعانىنا ءبىر تاۋلىك بولعان. اشىلىپ تۇرعان قاقپادان ەندى عانا كىرە بەرگەنى سول- اق ەكەن، قالىڭ ءيتتىڭ تالاۋىنا ءتۇسىپ كەتتى. ءتىپتى، ءبىر ۇلكەن اق توبەت ايبالانى القىمداپ قويا بەرمەيدى. ونىڭ تىنىسى تارىلىپ كەتتى.
اياساڭدارشى، قوس جەتىمەگىن ىزدەپ ايدالادا قاڭعىرعان مىنا بەيباقتى، ەڭ جوق دەگەندە، ولاردى ءبىر كورىپ ولىپ كەتسە نە ارمانى بار دەيسىڭ.
ايبالا ءولدىم- تالدىم دەگەندە، قۇتىلىپ قاشىپ شىقتى.
جۇگىرىپ كەلەدى، ارتىنا جالتاقتاپ قاراپ جۇگىرىپ كەلەدى. ءبىر ۋاقىتتا ەسىنەن تانىپ توراڭعىنىڭ تۇبىنە وماقاسا قۇلاپ ءتۇستى.
الىستا كۇن كۇركىرەپ، زايزاعاي جارقىلدادى. سالدەن سوڭ، جاڭبىر شەلەكتەپ قۇيىپ كەتتى. تاندىرى كەپكەن شيەلىنىڭ دالاسىنا اسپانداعى بۇلتتار مىرزالىعىن ءبىر كورسەتتى- اۋ، ايتەۋىر.
ءبىر كەزدە، ايبالانىڭ مۇرنىنا توپىراقتىڭ ءيسى كەلدى. ايبالا ءتىرى ەكەن، ونىڭ الىدە كورەتىن كۇنى، الىدە ءبىر سۋ ىشەرلىگى بار ەكەن- اۋ.
ول ءتىپتى، جىلجىپ اعىپ بارا جاتقان ۋاقىت وزەنىنىڭ سىلدىرىن ەستىگەن جوق، ەسىنە ءبىر كەلىپ، ءبىر كەتىپ جاتىر ەدى ول، بار دەنەسىنىڭ مىلجا- مىلجاسىن شىعارىپتى. جاراقاتتارى ۋداي اشيدى. اۋزىنان قان اعىپ، ەرنى جابىسىپ قالعان ەدى.
ونىڭ جاراقاتتارى ينفەكسيالانىپ، تەمپەراتۋراسى كۇرت كوتەرىلىپ كەتتى، كەشە تۇنىمەن جاۋعان جاڭبىر سەرىك بولدى جانىنا، قايتا، سىز جەرگە باۋىرىن توسەپ سۇلىق جاتىپ قالدى.
ايبالانىڭ جانىنان سيىر تابىنىن ايداپ باقتاشىلار ءوتىپ بارا جاتىر ەدى. «ە، قاڭعىرعان، جابايى ءيت»ــ دەدى بىرەۋى.
ءاي، پەندەنىڭ جاستىق شاعى- اي دەسەڭشى، ايبالا دا جاستىق شاعىندا ءتورت اياقتىنىڭ سىمباتتىسى ەدى- اۋ. فيزولوگيالىق جاقتان كامالاتقا جەتىپ، بارلىق مۇشەلەرى پىسىپ- جەتىلگەن ءبىر كەزدەرى- اي دەسەڭ- شى!
ايبالانىڭ سىرتىنان عاشىق بولىپ الىس- جاقىنداعى ەركەك كىندىكتىنىڭ ءبارى ونىڭ توڭىرەگىنەن شىقپاۋشى ەدى. ءتىپتى، ء قىزعانىشتىڭ ۋىن جۇتىپ، قىزىل قىرعىن، سار سۇرگىنىنىڭ كوكەسى سوندا بولماۋشى ما ەدى.
ءبىراق، ءالميساقتان ماحاببات كوزسىز كەلەدى ەكەن. ايبالانىڭ بوزبالاعا كوڭىل بەرگەنىن ءمالىم ءبىر لوگيكامەن ەشكىم ءتۇسىندىرىپ بەرە الماۋشى ەدى. ۇيتكەنى، ايبالاعا ءسوز سالعان بوزبالانى ون ورايتىن تالاي ەركەك كىندىكتى بولدى- اۋ. ءبىراق، سولاردىڭ بارىنەن بوزبالانىڭ الداۋسىراتىپ ايتقان ءتاتتى سوزدەرى اسىپ ءتۇستى.
اۋ، بوزبالا- اي دەسەڭ- شى؟ سەنىڭ جاستىعىڭ با، جوق الدە تۋادا وسىلاي ما ەدىڭ، ابدەن جەلىگىڭ تاراپ، ماۋقىڭ باسىلعاندا، ءوز ءانىڭدى ايتىپ، ءوز جولىڭا ءتۇستىڭ- اۋ، ءپاتشاھار! ايبالانىڭ كوز جاسىنان قورىقپادىڭ با سەن؟ سەن ومىردە اسىل جاندى ايبالانىڭ سەنى ماڭگىلىككە ۇمىتىپ كەتۋىنەن قورىقپادىڭ با؟ ۇيتكەنى، تالاۋدا جاتقان ايبالانىڭ ەسىنە، ءبىر ساتكە بولسادا، تۇسپەدىڭ- اۋ!
ءبىراق، ايبالا ءوزىنىڭ جەڭىلتەكتىگىنە ومىرىندە وكىنىپ كورگەن ەمەس ەدى.
ايبالا دەنەسىندەگى ۋىتتى، سىلەكەيىندەگى زاھارمەن قايتاردى.
دۇنيەنىڭ شەتى تۇزدى كولگە جەتكەن كۇنى، ايبالانىڭ قارا تۇياعىنان حال كەتتى.
ونىڭ تىرشىلىك قوزعالىسىنىڭ تىرەگى بولعان ءار ءتۇرلى بەلوكتار، مايلار، قانت سياقتى ورگانيكالىق قوسپالار سارقىلىپ تاۋسىلعان ەدى. ەندىگى كەزەكتە، بۇكىل دەنەسىندەگى زات الماسۋ جۇيەسى جۇمىسىن توقتاتۋعا اينالعان بولاتىن.
تەڭىزدىڭ بەتىندە پارومدار جۇيتكيدى، تەڭىزشىلەر پالۋبادا ابىگەر.
ول، اعاشتىڭ بۇتاعىنا قوناقتاپ وتىرعان ەكى بالاپانىن جازباي تانىدى. ونىڭ ەكى كۇشىگى، ەكى اق كەپتەرگە اينالىپ كەتىپتى. ولار ءبىرىنىڭ قاناتىنىڭ استىنا ءبىرى تۇمسىعىن تىعىپ، ۇيقىلى- وياۋ وتىرعان ەدى.
اسۋ بەرمەس اسۋلاردان، وتكەل بەرمەس وزەندەردەن ءوتىپ كەلگەن انالارىڭ عوي؟ تانىماي قالدىڭدار ما؟
ايبالانىڭ جۇرەگى قۋانىشتان جارىلىپ كەتە جازدادى. ول قوس قۇلىنىن باس سالىپ قۇشاقتاعىسى، قۇشىرلانا سۇيگىسى كەلدى.
ءبىراق، ءوز انالارىن قوس كەپتەر شىنىمەن تانىعان جوق ەدى. وسىنداي انامەن قاۋىشاتىن ساتتەردە، ادامنىڭ جۇرەگىن ەزەتىن قاتەلىكتەر جىبەرەتىن تاعدىرعا نە ايتارسىڭ. قوس بالاپان ايبالانىڭ اياق دىبىسىنان ويانىپ كەتتى بىلەم، وعان مۇسىركەي قارادى دا، الىسقا ۇشىپ كەتتى.
ايبالانىڭ بۇكىل بەت- جۇزى كوگەرىپ، شاشتارى بىلتە- بىلتە بولىپ بىلەۋلەنىپ كەتكەن. ءبىر كەزدەرى اقىندار جىرعا قوسىپ جۇرگەن، «ەرتوستىك» قيساسىنداعى «پەرىنىڭ قىزى بەكتورىدان» اسىپ تۇسپەسە، كەم سوقپايتىن ايبالا جوق مۇندا.
ايبالا ءان سالعاندا، بۇكىل ولكە دەمىن ىشىنە تارتىپ، تىڭدايتىن. ءتىپتى، كوكتەمنىڭ ءوزى ايبالانى كورۋگە ىنتىزار بولىپ، ۋادەلەسكەن شاعىنان ەرتە ورالۋشى ەدى- اۋ شيەلىنىڭ دالاسىنا؟!
ايبالا ءومىردىڭ قاناتىنان مىقتى- اق ۇستاعان ەدى. قولى تالىپ كەتتى، قويا بەرە سالدى. قارا جەردىڭ توسىنە قۇلادى.
ايبالا بار كۇشىمەن اۋناپ ءتۇستى. بالكىم، كوگىلدىر اسپان، كوك تەڭىزدى كورىپ جاتقىسى كەلگەن شىعار. كوزىنە تۇسكەن شاشىن ماڭدايىنا سىپىرىپ قويدى. تەرەڭ كۇرسىندى.
جانىندا مەدەۋ بولاتىن ءبىر جاناشىرى جوق ايبالا.
بۇل ومىرگە كەلگەلى پەندە بالاسىنان جىلىلىق كورمەگەن ايبالا.
ونىڭ اۋزىنان ەڭ سوڭعى ءبىر ىستىق جالىن لاپ ەتە ءتۇستى. اياعىنان باستاپ، بۇكىل دەنەسى مۇزداي باستادى.
كۇزدە كەلىپ قالىپتى- اۋ، الىستا جەر مەن كوكتىڭ توعىسقان تۇسىندا، تىرنالار سولتۇستۇكتەن وڭتۇستىككە تىراۋلاپ قايتىپ بارادى.
ءيت ءولىپ قالدى.

( سوڭى )
2015.4.12

33

تاقىرىپ

2

دوس

1049

ءنومىر

تەتە رەداكتور

Rank: 8Rank: 8

جولدانعان ۋاقىتى 2015-9-30 11:06:32 |بارلىق قاباتتى كورسەتۋ
اۆتوردىڭ اسىلگى ويىنىڭ نە ەكەنىنىڭ بايىبىنا بارا الماعانىم بولماسا، بۇل «ءيتتىڭ اڭگىمەسى» وزىندىك كوزقاراسى بار كورىنەدى...

0

تاقىرىپ

5

دوس

822

ءنومىر

تەتە مۇشە

Rank: 4

جولدانعان ۋاقىتى 2015-10-2 00:38:53 |بارلىق قاباتتى كورسەتۋ
بىر نەشە ءىرەت وقىپ تۇسىنىپ كەتە المادىم، بىردەمەنى اڭعارتپاقشى سىياقتى جەتپەي تۇر ساناما.
بالكىم ۇستىپ جۇرىپ سانام انا ءىيت قۇساپ بىر كۇنى ءولىپ قالاتىن شىعار، بەۇ دۇىيە-اي دەسەڭشى.

бабаң бас имеген жерге тізеңді бүкпе
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق