تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 595|جاۋاپ: 2

جاستىق شاقتىڭ ەڭ سوڭعى ساپارى

[جالعانىمدى كوشىرۋ]

1

تاقىرىپ

0

دوس

17

ءنومىر

اۋەسكەر مۇشە

Rank: 1

جولدانعان ۋاقىتى 2015-10-22 15:51:53 |بارلىق قاباتتى كورسەتۋ
جاستىق شاقتىڭ ەڭ سوڭعى ساپارى
ەرتاي ادىلبەك ۇلى

     جاستىق شاق تەرەزەدەن سىرتقا قاراپ وتىرعان ، دالادا قاپالاقتاپ قار جاۋىپ تۇر . ەسىك الدىنداعى الما اعاشتارىنىڭ بۇتاقتارى ءبىر نەشە كۇن ۇدايى جاۋعان قاردى كوتەرە الماي ، سىنىپ كەتەردەي مايىسىپ كەتىپتى .                    
     جەر مەن كوكتىڭ اراسى جىم - جىرىت، ءتىپتى  ، جاستىق شاق ءوز جۇرەگىنىڭ دۇرسىلىن ءوزى ەستيتىندەي تىنىشتىق ەدى . اۋىلدىڭ تومەنگى جاعىنداعى ۇيلەردىڭ مورجالارىنان ۇزدىك - سوزدىق ءتۇتىن شىعا باستادى .بۇل بۇگىنگى ءومىردىڭ باستالعاندىعىنىڭ بەلگىسى ەدى.            
      دۇنيەنىڭ الدە ءبىر قيىر تۇكپىرىندەگى ، ءبىز تىلگە تيەك ەتىپ وتىرعان وسى اۋىلدا جاستىق شاق بالالىق شاعىن وتكىزدى.               
      ۋاقىت وزەنى اقىرىن جىلجىپ اعادى .ول ومىرگە سىرت كوزگە بىلىنبەيتىندەي وزگەرىستەر الىپ كەلەدى، بىراق ، سىرتقى دۇنيەمەن سالىستىرعاندا بۇل ارادا ءومىردىڭ اياق الىسى شىنىمەن دە تىم باياۋ ەدى.      
     ول ەس بىلگەندە ، اۋىلعا جىلىنا ءبىر - ەكى رەت كىرەكەش كەلىپ تۇراتىن ، تەرى - تەرسەك جينايتىن. وزىنىڭ بارعان جەرلەرى ، كورگەن - بىلگەندەرى تۋرالى كوپ ايتۋشى ەدى ، جاستىق شاقتى عوي سول قىزىقتىرعان. ۇيتپەگەندە، ول دا وسى اۋىلدىڭ وزگە تۋماسى سەكىلدى ، بۇرىنعى تىنىش تىرلىگىن جالعاستىرىپ ، ءتاڭىردىڭ ولشەپ بەرگەن ىرىزدىعىنا تاۋبا ەتىپ ، ومىردەن وتىپ كەتەرمە ەدى ، كىم بىلسىن؟!!                                    
     ۇيلەنەدى   ، وڭاشا وتاۋ قۇرىپ ، ۇيلى - باراندى بولادى . رايگۇل كەروسىن شامنىڭ تۇبىندە، بالالارىنا ساباق پىسىقتاتىپ وتىرعاندا، ول پەش تۇبىندە جۇمىستان شارشاپ كەلىپ ، ۇيقى قۇشاعىنا شومادى . بىراق ، « قولدا باردا التىنىڭ  قادىرى جوق» دەگەندەي ىرىزدىعىن الىستان ىزدەيتىن ادام بولىمىسىنا نە دەرسىڭ ؟                                       
      ول ءۇشىن العاندا ، بۇگىنگى كۇن ماڭگى ەستە قالدى . كەرەك - جاراعىن بۋىپ - تۇيىپ جولعا شىقتى . بۇل ونىڭ ومىردەگى ءبىرىنشى رەت ساپارعا شىعۋى ەدى .بەلگىسىز ، بىراق ، قىزىعى مول جۇمباق دۇنيەگە جول تارتتى .                                            
     جاستىق شاق شومبال جىگىت ەدى ، ول قار باسقان ۇشى -قيىرى جوق تيانشاننىڭ سولتۇستىگىندەگى كەڭ ساحارانى كەسىپ ءوتتى ،ال جاز شىعا التاي تاۋلارىنان جابايى جەمىس - جيدەك تەرىپ جەپ، كۇن كەشىردى .
   كۇندەردىڭ ءبىر كۇنى ، ول كوزدەگەن جەرىنە جەتىپ الدى . ول وسى ولكەدەگى ەڭ اتاقتى تاس شەبەرىنىڭ قول استىنا كىرىپ ، ويعا العان جۇمىسىن باستاپ كەتكەن .                           
      جاستىق شاق ەلەڭ -الاڭدا تۇرادى ، قاس قارايعانشا تاس قاشايدى ، ەكى الاقانى ويىلىپ ، گۇپ بولىپ ءىسىپ كەتكەن كۇندەرى دە بولدى . بىراق وعان مويىعان جاستىق شاق جوق ەدى . ۇستازىنىڭ كوڭىل قويىپ باپتاۋىنىڭ ارقاسىندا ، ونىڭ ونەرى كۇننەن كۇنگە جەتىلە ءتۇستى .                       
      كۇندەردىڭ ءبىر كۇنى ، جۇمىستان قايتقانان كەيىن ، كەشكىسىن،  ۇستازىمەن ەكەۋ ارا اڭگىمەگە وتىرعان.            
      ــ ۇستاز،  - دەگەن ، - ءبىزدىڭ وسى تاۋدى جونۋىمىزداعى ماقساتىمىز نە؟- دەپ سۇراعان.                                       
      ۇستازى شاكىرتىنە تەسىلە قارادى ، ونىڭ قوس جانارىنان مىڭ جىلدىق جالعىزدىققا دا مويىمايتىنداي تاكاپارلىق ەسىپ تۇرادى.               
       - مەندە سەندەي ورىمدەي جاس كەزىمدە وسى جۇمىسقا تۇردىم ، مىنە قول - اياعىمنان قال كەتىپ ، قارتايىپ بارامىن ، بىراق ، ءوزىمنىڭ ءومىر بويى ىستەگەن جۇمىسىما استە وكىنىپ كورگەن ەمەسپىن ، بۇل جۇمىس سەنىڭ بۇكىل ءومىرىڭدى باعىشتاۋدى قاجەت ەتەدى . ال مۇنان نە شىعادى دەيسىڭ عوي ؟ بۇرىنعىلاردىڭ ايتۋىنشا ،وسى تاۋ جەر - دۇنيەگە التىن كۇن العاشقى ساۋلەسىن شاشا باستاعان، ەستە جوق ەسكى زامانداردان بەرى بار ەكەن . الميساقتان بەرى ، ەكەۋىمىز سياقتى جان يەلەرى ويىپ كەلەدى ، ەڭ سوڭىندا ءسابيدىڭ جۇدىرىعىنداي ءبىر ءمار - ءمار تاس قالادى ەكەن دە ، كۇن كۇيىپ تاۋسىلىپ ، جەر - دۇنيەنى قاراڭعىلىق باسقاندا ، وسى تاس جانە دە ميلليونداعان جىلدار ادامزات بالاسىنا جارىق پەن جىلۋ سيلايدى ەكەن .
    ۇستازىنىڭ مىنا اڭگىمەسى جاستىق شاقتى وزىنە ەرەكشە باۋرادى . بىراق ەتكەن ەڭبەك ، توككەن تەرىنىڭ ناتيجيەسىن ءوزى كورە الماي ، تەك تاريحتىڭ پاراقتارىندا عانا جازىلىپ قالا بەرەتىندىگىن ويلاعاندا ، شىنىمەن دە بىراز جاسىپ قالدى.                     
     ەگەر راۋشانعا جولىقپاعان بولسا ، ەگەر وسى جەردە ونەرىن جەتىلدىرە بەرگەن بولسا ، بالكىم ول دا ۇستازى سەكىلدى دۇنيەنىڭ ءتورت بۇرىشىنا اتاعى جايىلعان ، ادامزات ونىڭ اتىن التىن ارپتەرمەن تاسقا ويىپ ، ۇرپاقتان ۇرپاققا اڭىز قىلىپ ايتىپ جۇرەتىن اتاقتى تاس شەبەرىنىڭ ءوزى بولارما ەدى كىم بىلسىن ؟!                                    
     ەگەردە راۋشانعا جولىقپاعان بولسا.....؟                                   
    كوكتەمنىڭ حابارشىسى تىرنالار قيقۋ سالىپ ، جاڭا جىلدى بۇل ولكەگە الىپ كەلەدى . ال ونى قوڭىر كۇز سارى جاپىراقتارىن سىلدىرلاتىپ ، اتتاندىرىپ وتىرادى.                                                                    
    راۋشانعا كەزدەسۋ جاستىق شاقتىڭ ومىرىنە ۇلكەن وزگەرىستەر الىپ كەلدى .  
    قالادا تۇراتىن اۋقاتتى سەميادان شىققان راۋشانىنىڭ تۋىلعان كۇنىن تويلاپ ، جىگىت - جەلەڭى بار ، قىز - قىرقىنى بار كوپ ادام جينالدى . مۇنداي دۋماندى وتىرىستى ، ول ومىرىندە ءبىرىنشى رەت كورىپ وتىرعان .
   - ارامىزعا جاڭا قوسىلعان دوسىمىز ءۇشىن ءبىر توس كوتەرىپ قويالىق ،-دەدى ، - وسى وتىرىستى جۇرگىزىپ وتىرعان سەرى جىگىت . ىشپەيمىن دەگەنىنە قويمادى ، ەندى ءان ايتىلادى ، ولەڭ وقىلادى ، نەشە ءتۇرلى قىزىق - قىزىق اڭگىمەلەر ايتىلادى .بارلىق ادامنىڭ جۇزى جايناپ، القىپ - شالقىپ وتىرعان وتىرىستىڭ ءسانىن كەتىرىپ ، ىشپەيمىن دەپ تىم - تىرىس وتىرساڭ ، وندا ونىڭ نە ءسانى؟ لاۋلاپ جانعالى تۇرعان وتقا سۋ سەپكەنمەن بارابار ەمەسپە؟                  
    ءبىر كەزەگىندە راۋشان گيتتارامەن ءان سالدى ، ءوزىمىز ايتىپ جۇرەتىن حالىق ءانى سەكىلدى ەدى . بىراق ونى راۋشان وزگە ناقىشپەن ، ەستىرادا فورماسىندا ورىندادى . اسىرەسە، « ساۋلەم - اي » دەپ كەلەتىن قايىرماسى - اي شىركىن . سۇيگەنىن اڭساعان ، مۇڭلى جان ، جۇرەگىنىڭ تۇبىندەگى ىنتىزارلىعىن انگە اينالدىرىپ جىبەرگەن - اۋ شاماسى .                        
     راۋشان بۇگىن ءتىپتى قۇلپىرىپ كەتىپتى ، ويبوي ، قالانىڭ قىزدارى - اي دەسەڭشى ، ولار بوي تۇزەۋدى بىلەدى ، كيگەن كىيىمىن ايتساڭشى ، نە كيسە دە جاراستىرىپ كيەدى عوي . بارلىق قىلىعى وزىنە جاراسقان ، ەركە سىلقىمنىڭ ءوزى !!!!!                                                   
     راۋشاننىڭ ءانى اياقتالا بەرە سەرى جىگىت راۋشانعا ارناپ ءبىر ولەڭ وقىعان .« سۇيگىسى كەلە بەرەر سۇيگەن ەرىن ...» دەپ باستاپ كەتىپ ەدى ، ءار ءبىر ولەڭ جولىن ىنتونوسياعا سالىپ ، داۋىسىن ءبىر ورلەتىپ ، ءبىر تومەندەتىپ ، قۇبىلتىپ ، «جىگىتتىڭ سۇلتانى قايسى دەسە ، وسى» دەيتىندەي وقىدى عوي.                                             
    جاستىق شاقتىڭ جۇرەگىنە الدە ءبىر ۋايىم ورناعانداي بولدى . ءبىر اسىل دۇنيەسىن جوعالتىپ العانداي نەمەسە ءبىر نارسەسىنە قولى جەتپەگەندەي ، وعان باعانادان بەرى تامىرىنا سىڭىپ كىرگەن ءىسپىرتتىڭ بۋى قوسىلىپ ، ىشكى دۇنيەسىنىڭ اپتەر - تارپتەرىن شىعاردى.                          
     بىراق ، جاستىق شاقتا بولعان بۇل وزگەرستەردى راۋشان بىلمەي قالسىن با؟ ول سەنىڭ ميىڭداعى نەشە ءتىرليونداعان كىلەتكالارىنىڭ جاڭبىر جاۋار الدىنداعى يلەۋدەگى قۇمىرسقالارداي ، ارى - بەرى قايشالىسىپ ، بىرەسە انا ويعا كەلتىرىپ ، بىرەسە مىنا مۇڭعا باتىرىپ تۇرعان سەزىمىڭدەگى قىلت ەتكەن وزگەرىستەردى سەزە الادى . ون سەگىزدەگى ون ءتورتىنشى ايداي تولعان راۋشاننىڭ سەزگىرلىگىندەي سەزىم تۇيسىگى باسقا جان يەلەرىنە كەم دە كەم ۇشىرايدى عوي.
     اق تاڭسى دەگەن بولادى . وتىرىستىڭ قىزىپ ، شىرقاۋ شىڭىنا جەتكەن تۇسى ، راۋشان كەلىپ جاستىق شاقتى تاڭساعا تارتقان . راۋشاننىڭ قولىن ۇستاعاندا ، جاستىق شاق ورتەنىپ كەتە جازدادى . توڭىرەكتە نە بولىپ جاتقاندىعىن ، ەلدىڭ نە سويلەپ، نە قويىپ جاتقاندىعىن جاستىق شاق ءتىپتى دە بىلگەن جوق . ءبىر كەزدە ەسىن جيناعانداي بولدى ، راۋشان ەكەۋى بالكوندا تۇر ەكەن.                                                      
    سوزساڭ قولىڭ جەتەردەي كوك كۇمبەزىنىڭ جۇلدىزدارى سامسىپ تۇر ، كوكتەمنىڭ قوڭىر سالقىن سامالى ەسىپ تۇر ، بۇل نەدەگەن سۇلۋ تابيعات ەدى ، بۇل نەتكەن كوركەم ءومىر ەدى ، بۇل نەدەگەن تال بويىندا ءبىر ءمىنى  جوق ەركە راۋشان ەدى . ونىڭ سىڭعىرلاعان داۋىسى بۇلاقتىڭ سىلدىرىنان دا اسەم ، ونىڭ تولىسقان تۇلا بويىنان شىققان ءاتىردىڭ قوش ءيىسى سەنىڭ 62 تامىرىڭدى ءيىتىپ جىبەرەدى - اۋ جاستىق شاق!                           
   جاستىق شاق وزگەلەردەن رومانتيكا دەگەن ءسوزدى كوپ ەستيتىن . بىراق ونىڭ نە ەكەندىگىن جانە ادامعا قالاي اسەر ەتەتىندىگىن بىلمەۋشى ەدى . بىراق ، ونىڭ وسى كەزدەگى سەزىمى ءدال سول رومانتيكانىڭ ءوزى ەدى.            
     ومىردەگى كەيبىر توسىن جايىتتەر ، الدە ءبىر كەزدەسۋلەر تاعىرىڭدى بۇكىلدەي وزگەرتىپ تىنادى.                        
     جاستىق شاق تاس شەبەرىنىڭ جانىنا قايتا ورالعان جوق ، ول راۋشاننىڭ جانىندا قالىپ قويدى.                                                      
    العاشىندا قۋ شىرپىداي جانعان ،كەنەتتەن ويانعان سەزىم ،بارا - بارا ارناسىنا ءتۇسىپ ، سابىر تاپتى.                                   
     كالەندىردىڭ پاراعى جىرتىلا - جىرتىلا تاۋسىلدى . ونىڭ ورىنىنا جانە بىرەۋى ىلىنەدى، بىراق ولدا تاۋسىلادى ، ونان سوڭ تاعى دا......
     جاستىق شاقتىڭ قوس سامايىن قىراۋ شالا باستادى . ۋاقىت دەگەن دۇنيەنىڭ پاتشاسى عوي ، ول ادام بالاسىنىڭ تاعدىرىن قاشان ۋىسىنان شىعارىپ كورگەن ەدى؟!                                 
      ول رايگۇلدى ءتىپتى ۇمتىپ كەتتى . تاعدىر دەگەن  وسى عوي دەيمىن ، ءبىر اسىلدى ىزدەپ جۇرىپ جانە بىرەۋىن جوعالتىپ الاسىڭ . سەن كەڭ ساحارانى كەسىپ ءوتىپ ، وسى اراعا كەلگەندە جول - جونەكەي دالا تورعايى سەكىلدى باسىڭنان شىر اينالىپ ۇشىپ ، جانىن شۇپەرەككە ءتۇيىپ الىپ ، شىر - شىر ەتىپ، جان سەرىگىڭ بولعان سول رايگۇل ەمەس -پە ەدى ؟!        
        تۇندە تۇسىڭنەن ، كۇندە وڭىڭنەن كەتپەگەن رايگۇلدى ۇمىتتىڭ - اۋ! سەنىڭ بۇلاي بەت بۇراتىندىعىڭدى كىم ويلاعان ؟!!!                           
       قوڭىر كۇزدىڭ ءبىركەشى ەدى . ەكى كەشتىڭ اراسىندا جاستىق شاق ءبىر ساتكە قالعىپ كەتكەن ەكەن . ءتۇس كورىپتى ، الا- كەۋىم شاق ەكەن دەيدى ، ەسىكتى بىرەۋ ىيتەرىپ كىرىپ كەلدى ، اناسى ەكەن ، بىراق بەتىن بۇركەپ الىپتى ، جاستىق شاق قانشا باجايلاپ قاراسا دا ، شەشەسىنىڭ جۇزىن كورە المادى.                              
    - شەشە- اۋ ، مۇندا نەعىپ جۇرسىڭ ، اكەم قايدا ؟ - دەگەن جاستىق شاق قايران قالىپ.                                 
   - اكەڭدى الىس ساپارعا ماڭگىلىككە جولعا سالىپ قويدىم ، بالام ، قارا جولعا قاراي - قاراي كوز جاسىمىز سۋالدى ، ءبىزدى نەگە سونشا ۇمىتىپ كەتتىڭ بالام ، - دەپ سوزىن قىسقا قايردى دا، ارتىنا بۇرىلىپ شىعىپ كەتتى .                                                      
    جاستىق شاق ۇيقىسىنان سەلت ەتىپ وياندى ، اناسىنىڭ ارتىنان جۇگىرە شىقسا ول كورىنبەدى.                                 
   ول دەل - سال بولىپ وتىرىپ قالدى ، ءار نارسەنىڭ وزىنىڭ شەگى بولاتىندى سياقتى ، ول بۇل ساپارىنىڭ ەندىگارى جالعاسپايتىندىعىن جان - تانىمەن سەزىندى.                  
   كوكتەمنىڭ اق جاڭبىرى سەۋىپ وتكەن دالا !  تۋعان جەردىڭ وزىنە تانىس توبىراعىنىڭ ءيىسى!                                                     
   اۋىلعا جاقىنداپ كەلگەندە ، جاستىق ساق گۇل تەرىپ ويناپ جۇرگەن ءبىر توپ قىزداردى كوردى . ىشىندە رايگۇل ءجۇر ەكەن ، قوس بۇرىمىنا اق بانتيك بايلاعان ورىمدەي بۇلدىرشىن قىز.                                      
   ول بۇل بەيتانىس جاننىڭ وزىنە نەگە سونشا تەسىلىپ قاراعاندىعىنىڭ بايىبىنا بارا المادى ، جاستىق شاقتىڭ قوس جانارىنا ءبىر ءسات تىگىلە قارادى دا ، ۇيالىپ كوزىن تايدىرىپ اكەتتى ، بالالار دۇركىرەپ ەڭىسكە قاراي جۇگىرە جونەلدى.                                       
   ول جول شەتىندەگى قارا تاسقا كەلىپ وتىردى . قاتتى شارشاپتى ، جۇرەگىنىڭ تۇبىنەن اۋىر كۇرسىندى.                          
   بۇل ونىڭ ەڭ العاشقى جانە ەڭ سوڭعى ساپارى ەدى . جاستىق شاقتىڭ ماڭدايىنا تاڭىرىم ەكىنشى رەت ساپارعا شىعۋدى جازباعان ەدى.                          
( سوڭى )
2015.9.23


1

تاقىرىپ

0

دوس

17

ءنومىر

اۋەسكەر مۇشە

Rank: 1

جولدانعان ۋاقىتى 2015-10-27 23:23:13 |بارلىق قاباتتى كورسەتۋ

3

تاقىرىپ

3

دوس

688

ءنومىر

تەتە مۇشە

Rank: 4

جولدانعان ۋاقىتى 2016-1-1 15:31:41 |بارلىق قاباتتى كورسەتۋ

قازاق ءتىلى دۇنيەدەگى ەڭ تاماشا ءتىل
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق