تالداڭىز قولفون فورماسىنا ءوتۋ | كومپيوتەر ءتۇرىن جالعاستى ارالاۋ

كورۋ: 461|جاۋاپ: 1

سىنشىنىڭ سيقى

[جالعانىمدى كوشىرۋ]

9

تاقىرىپ

11

دوس

753

ءنومىر

تەتە مۇشە

Rank: 4

جولدانعان ۋاقىتى 2015-12-14 17:48:16 |بارلىق قاباتتى كورسەتۋ
سىنشىنىڭ سيقى
(فەلياتون)
مەيرانبەك قالياسقار ۇلى
«تەزى باسىندا قيسىق اعاش جاتپايدى» دەگەندەي، سىن جانرىمەن اينالىسا باستاعان مىقتبەكتىڭ العاشقى بىرنەشە جىلدا جازعان سىن ماقالالارى ءتۇرلى باسىلىمداردى ىركىلسسىز جارىق كورىپ، جۇرتىشىلىق اراسىندا جاقسى اڭىس تۋدىرىپ، ەل نازارىنا ىلىنە باستاعان ەدى. قالامى جۇردەكتەپ، قانات- قۇيىرىعى جەتىلە باستاعان ونىڭ "سىنشى" بولسام دەگەن ارمانىن باسىنان ءسوز اسىرمايتىن "اتاقتى اقىندار" مەن "جامپوز جازۋشىلاردىڭ" تاسادا جاتىپ اتقان جەبەسى جەر قاپتىرا جازدادى. اۋەلى وبلىس ورتالىعىنان پەنسياعا شىققان ءبىر قارت باسشىدان تەلەفون كەلدى.
-        ۋاي، مىقتىبەك ماندىماس ۇلى ما؟
-        ءيا، ءوزىڭىز....
-        مەن بۇرىنعى وبلىس باستىعى كوشكىنباي.
-        ا...ا...ا...اسسالاۋماعاليكوم!
-        اليكى سالەم،- دەپ قارسى جاق سالەمدى ناراۋ الدى دا "نە جۇمسىڭىز بار" دەگەندى توسىپ جاتپاي- اق بۇيمتايىن باستاپ كەتتى.
-        وتكەندە "قانداۋىر" گازەتىندە جارىق كورگەن «قۇر تۇلىپقا موڭىرەگەن "موشكەلەر"» اتتى ماقالانى سەن جازعان با ەدىڭ؟
-        ءيا، باسەكە،- دەدى مىقتبەك. ماقالانى كورىپ ريزاشىلىقپەن سوعىپ تۇرعان بولدى عوي دەپ ىشتەي  قۋانىپ، جۇزىنە كۇلكى ۇيىرىلە قالدى.
-        سەن بالا،- دەدى باسەكەڭ ءسوزىن نىعىزدالا انىقتاپ ايتىپ؛- ماقالاڭدا "كەيبىر پەنسياعا شىققان قارتتارىمىزدىڭ دا ەكى قولى الدىنا سيماي، تۇك تاپپاعانداي شىعارما جازۋمەن اينالىسا باستادى. ءتىپتى اقى بەرىپ باسقالارعا جازدىرىپ عۇمىر باياندىق كىتاپ ەتىپ شىعارىپ، قىرىپ الار قىزىلى جوق قۇرعاق ءسوز ۇيىندىسىمەن ادەبيەتىمىزدىڭ تۇنىعىن لايلاۋدا» دەپسىڭ. مەندە پەنسياعا شىعىپ، قىرىق جىلدىق قىزمەت تاريحىمدى "الپىس جىلدىڭ اسقارى" دەگەن اتپەن كىتاپ ەتىپ قۇراستىرعانىمىن. ماقالادا اتىمدى اشالاپ ايتپاساڭدا، نايزانىڭ ءبىر ۇشىن ماعان كەزەگەنىڭ بەسەنەدەن بەلگىلى بولىپ تۇر. وڭ قۇلاعىڭمەن ەستىپ ال سىنشى مىرزا، اعاڭ اتتان تۇسكەن مەن ۇزەنگىدەن تۇسكەن جوق. سەن تۇرعان اۋداننىڭ اكىمى مەنىڭ بالدىزىمنىڭ قايناتاسىنىڭ ناعاشى اعاسىنىڭ بولە باۋىرىنىڭ بالدىزى بولىپ كەلەدى. اياعىڭدى اڭدىپ باس. اتاڭ قازاق «ايعىر مەن الىسقان ات ارقاسىن الدىرادى» دەگەندى بىلەتىن شىعارسىڭ...،- باسەكەڭ تەلەفون تروپكاسىن تارس ەتكىزدى دە ءسوزىن ءۇزىپ جىبەردى.
-        ۋاي، ۋاي، باسەكە، اعاي.... جونىنان سۋىق تەر شىعىپ، توبەسىنەن جاي تۇسكەندەي بولعان مىقتىبەكتىڭ كوڭىلى الاساپىران بولدى دا كەتتى. كەنەت ءبىر باتىلدىق بويىن كەرنەپ «ول باستىق بولسا نە بولىپتى، مەن شىندىقتى جازدىم. بىرەۋدىڭ جەكە باسىنا سوقتىققام جوق. ماعان نە قىلا الادى. "ارتىندا بو... بارلار" ۇستىپ قاراداي قۋىستانا قالادى ەكەن، ءا.» دەپ ءوزىنىڭ اتقان جەبەسىنىڭ كەيبىر جازۋشىسىماقتاردىڭ جاندى جەرىنە دارىعانىن ويلاپ ىشتەي قۋاندى.
.... كوپ وتپەي اتاعى الا تاۋداي تارلان تايماسوۆ دەيتىن اقىن، جازۋشى، ادەبيەت تانۋشى بىلگىر "الداسپان" جۋرنالىندا «سىنشى سىماقتاردىڭ سىباعاسى» دەگەن كولەمدى ماقالا جاريالاپ، قاراعايداي مۇيىزىمەن مىقتىبەكتىڭ قابىرعاسىن سويا رەپ- رەپ تاستادى. اۋەلى "مۇنداي اعا جازۋشىلار مەن اقىنداردىڭ ابىرويىنا داق تۇسىرەتىن، ەڭبەگىن جوققا شىعاراتىن ماقالالاردى باسپا- ءسوز ورىندارى باسپاعانى ابزال. ايبارىنان اي جاسقانعان ارىستانعا قاندەي ءيتتى ايتاقتاۋ قاي مازاق" دەپ توقتاتىپتى ماقالاسىنىڭ اياعىن.
مىقتبەك سودان كەيىن باسپا بەتىنەن كورىنبەي كەتتى. ەمىس- ەمىس كەلگەن ەل سىبسىنا قاراعاندا، وعان بۇل عانا ەمەس تالاي- تالاي "بايقا بالا، اسپان استىندا جالعىزبىن دەپ جۇرسىڭ بە؟" دەگەندەي توبە قۇيقاڭدى شىمىرلاتىپ، قىر جەلكەڭدى قىلداي قىلاتىن اشۋلى تەلەفوندار مەن تەرىڭدى تىرىدەي سىپىراتىن قانداۋىر ءسوزدى حاتتاردا كوپ كەلىپتى.
جاقىندا مىقتبەكتىڭ قولپاشتاۋ مەن قوشامەتكە تولى "پوەزيا مايدانىنداعى مارقاسقالار" دەگەن كولەمدى ماقالاسى "جاعىمپاز" جۋرنالىندا جاريالاندى.
تاعى دا ەل ايتادى: "مىقتبەككە وسى جولى كوپتەگەن ادامداردان قۇتتىقتاۋ تەلەفوندارى كەلىپتى" دەپ.
ال مىقتبەكتىڭ ءوزى ايتادى: "مىڭ بيەنىڭ بورىشىنان ءبىر قۇلاقتىڭ تىنشى ارتىق ەكەن. اقىرى وسى جولدى تالدادىم" دەپ.
مەن ويلايمىن: "قازىرگى سىن جازىپ جۇرگەندەردىڭ سيقى ءدال وسىنداي" دەپ.
بۋرىلتوعاي اۋدانى قۇرىلىس سولتۇستىك جولى تۇرعىندار كوميتەتى

5

تاقىرىپ

2

دوس

1558

ءنومىر

اعا بۋىن مۇشە

Rank: 6Rank: 6

جولدانعان ۋاقىتى 2016-1-5 23:51:57 |بارلىق قاباتتى كورسەتۋ
كەرەمەت!
كوڭلدى كۇندەر بولعاي.
ءسىز تىركەلگەننەن كەيىن جاۋاپ جازا الاسىز تىركەلۋ | تىزىمدەلىڭىز


Archiver|قولفون نۇسقاسى|新疆作家哈文网
Powered by Discuz! X2.5(NurQut Team)© 2001-2011 Comsenz Inc. For www.xjzjxh.com
جوعارى جاق